Psalmyn 18:41 - Yn Vible Casherick 1775 1819

⁴¹ Nee ad geamagh, agh cha bee unnane dy chooney lhieu: dy jarroo gys y Chiarn, nee ad geamagh, agh cha der eh clashtyn daue.

Lioar ny Psalmyn 1765 (Pointed)

⁴¹ Nee ad geamagh, agh cha bee unnane dy chooney lhieu: dy-jarroo gys y Chiarn, nee ad geamagh, agh cha der eh clashtyn daue.

Psalmyn 18:41 ပူးပေါင်းရင်းမြစ်များ

Lioar Yob 27:9

Jean Jee geaishtagh rish yn eam echey tra ta seaghyn cheet er?

Psalmyn 118:10

Ren dy chooilley ashoon cheet mygeayrt-y-moom: agh ayns Ennym y Chiarn nee’m ad y stroie.

Psalmyn 118:11

Ren ad m’y hionney er dy chooilley heu, haink ad chion orrym, ta mee gra, er dy chooilley heu: agh ayns ennym y Chiarn stroie-ym ad.

Psalmyn 50:22

O smooinee-jee er shoh, shiuish ta jarrood Jee: er-aggle dy raip-ym shiu ersooyl, as nagh bee unnane erbee dy livrey shiu.

Raaghyn Creeney 1:28

Eisht nee ad geamagh orrym’s, agh mish cha der ansoor; nee ad m’y hirrey dy moghey, agh cha vow ad mee.

Isaiah 1:15

As tra ta shiu skeayley magh nyn laueyn, neem’s my hooillyn y hyndaa veue: dy jarroo tra ta shiu goaill ymmodee padjeryn, cha jean-ym clashtyn: ta nyn laueyn lane folley.

Jeremiah 11:11

Shen-y-fa myr shoh ta’n Chiarn dy ghra, Cur-my-ner, ver-ym lhiam olk orroo, nagh vod ad shaghney; as ga dy n’eam ad hym, cha der-ym clashtyn daue.

Jeremiah 14:12

Tra t’ad freayll trostey, cha n’eaisht-ym rish yn accan oc; as tra t’ad jannoo oural-losht as chebballyn, cha jean-ym soiaghey jeu; agh ver-ym mow ad lesh y chliwe, as lesh y ghortey, as lesh y chramp.

Ezekiel 8:18

Shen-y-fa neem’s myrgeddin dellal roosyn ayns jymmoose; cha jean my hooill gymmyrkey lhieu, chamoo vees chymmey aym orroo: as ga dy vel ad geamagh ayns my chleayshyn lesh ard-choraa, ny-yeih cha der-ym clashtyn daue.

Hosea 7:14

As cha vel ad er ghoaill padjer hym veih nyn gree, tra v’ad gaccan er nyn lhiabbaghyn: t’ad chaglym cooidjagh son arroo as feeyn, as girree-magh m’oï.

Micah 3:4

Eisht nee ad geamagh gys y Chiarn, agh cha jean eh ad y chlashtyn: nee eh dy jarroo e eddin y cheiltyn voue ec y traa shen, myr t’ad er n’ymmyrkey ad-hene dy olk ayns nyn yannoo.

Zechariah 7:13

Shen-y-fa haink eh gy-kione, myr deïe eshyn, as nagh jinnagh ad clashtyn, myr shen deïe adsyn, as cha jinnin’s clashtyn, ta Chiarn ny flaunyssee dy ghra.

Noo Luke 13:25

Keayrt dy vel mainshter y thie er n’irree, as y dorrys dooint, as dy jean shiuish toshiaght dy hassoo er cheu-mooie, as dy chronkal ec y dorrys, gra, Hiarn, Hiarn, foshil dooin; as freggyree eshyn as jir eh riu, Cha nione dou shiu, cre veih ta shiu:

Joshua 10:26

As lurg shen ren Joshua ad y woalley, as y varroo, as chrogh eh ad er queig biljyn: as v’ad croghey er ny biljyn derrey’n astyr.