Psalmyn 18:25 - Yn Vible Casherick 1775 1819

²⁵ Da’n dooinney casherick nee oo soilshaghey oo hene dy ve [dty Yee] casherick: as da’n dooinney ynrick vees oo ynrick.

Lioar ny Psalmyn 1765 (Pointed)

²⁵ Da’n dooinney casherick nee oo soilshaghey oo hene dy ve (dty Yee) casherick: as da’n dooinney ynrick vees oo ynrick.

Psalmyn 18:25 ပူးပေါင်းရင်းမြစ်များ

Noo Mian 5:7

Bannit ta’n vooinjer vyghinagh: son bee myghin er ny hoilshaghey daue.

Psalmyn 62:12

As dy vel uss, Hiarn, myghinagh: son t’ou cooilleeney dy chooilley ghooinney cordail rish e obbyr.

Nehemiah 9:17

As dob ad dy ve biallagh, chamoo dreill ad ayns cooinaghtyn dty yindyssyn ren oo ny mast’ oc: agh chreoi ad nyn mwannal, as ayns yn irree-magh oc phoint ad captan, dy hyndaa reesht gys nyn mondiaght: agh t’ou uss Jee arryltagh dy phardooney, graysoil as myghinagh, moal gys corree, as dy chenjallys vooar, as cha ren oo ad y hreigeil.

Romanee 9:14

Cre jir mayd eisht? Vel neu-chairys marish Jee? Ny lhig eh Jee.

Isaiah 26:7

Ta raad yn er-cairal ayns ynrickys: t’ou uss, smoo ynrick, kiartaghey cassan yn vooinjer chairal.

1 Reeaghyn 8:32

Eisht jean uss clashtyn ayns niau, as cooilleen, as briwnys dty harvaantyn, deyrey yn mee-chrauee, dy choyrt e hoilchin er e chione hene; as seyrey yn dooinney cairagh, dy chooilleeney eh cordail rish e ynrickys.

Lioar Yob 8:6

Dy beagh oo er ve glen as ynrick; son shickyrys nish veagh eh er ve dooishtagh harryd, as er n’yannoo ynnyd-vaghee dt’ynrickys maynrey.