Psalmyn 17:7 - Yn Vible Casherick 1775 1819

⁷ Soilshee dty chenjallys-ghraihagh erskyn insh, uss yn saualtagh ocsyn ta coyrt nyn dreishteil aynyd: veih nyn lheid ocsyn as ta shassoo noi dty laue yesh.

Lioar ny Psalmyn 1765 (Pointed)

⁷ Soilshee dty chenjallys-ghraihagh er-skyn-insh, uss yn Saualtagh ocsyn ta coyrt nyn dreishteil ayn-yd: veih nyn lheid ocsyn as ta shassoo noi dty laue yesh.

Psalmyn 17:7 ပူးပေါင်းရင်းမြစ်များ

2 Reeaghyn 19:22

Quoi t’ou uss er oltooaney, as er loayrt goan mollaghtagh n’oï, as quoi noi t’ou er n’ockley magh dty choraa, as dy mooaralagh er hroggal seose dty hooillyn? eer noi’n Jee Casherick Israel.

2 Reeaghyn 19:34

Son neem’s fendeil yn ard-valley shoh dy hauail eh, er my ghraih hene, as er graih Ghavid my harvaant.

2 Recortyssyn 16:9

Son ta sooillyn y Chiarn roie noon as noal trooid y slane seihll, dy hoilshaghey eh-hene dy ve niartal er y cheu ocsyn ta lesh cree firrinagh treishteil ayn. Ayns shoh t’ou er n’yannoo dy ommijagh; shen-y-fa veih’n traa shoh magh bee oo seaghnit lesh caggey.

Psalmyn 20:6

Nish ta fys aym, dy vel y Chiarn cooney lesh e Er-ooilit, as dy der eh clashtyn da veih e niau chasherick: dy jarroo lesh troshid slayntoil e laue yesh.

Psalmyn 31:21

O cre cha palchey ta dty vieys, t’ou er chiarail nyn gour ocsyn ta goaill aggle royd: as shen t’ou er n’yannoo aarloo dauesyn ta coyrt nyn dreishteil aynyd, dy jarroo kiongoyrt rish mec gheiney!

Psalmyn 31:22

Nee oo ad y choadey ayns boayl follit dty enish veih brasnaghey dy chooilley ghooinney: nee oo ad y cheiltyn ayns dty chabbane veih argane chengaghyn.

Psalmyn 44:3

Son cha dooar ad y cheer ayns nyn gummal liorish y chliwe oc hene: chamoo she’n roih oc hene ren cooney lhieu.

Psalmyn 60:5

Shen-y-fa va’n vooinjer bynney lhiat er nyn livrey: cooin lhiam lesh dty laue yesh, as clasht rhym.

Psalmyn 78:12

Agh yarrood ad ny v’eh er n’yannoo: as ny obbraghyn yindyssagh v’eh er hoilshaghey er nyn son oc.

Exodus 15:6

Ta dty laue yesh, O Hiarn, er ve gloyroil ayns pooar: ta dty laue yesh, O Hiarn, er vroo yn noid dy myn.

Isaiah 41:10

Ny bee aggle ort, son ta mish mayrt; ny bee lhag-chreeagh, son mish y Jee ayd’s: nee’m dty niartaghey; dy feer, neem’s cooney lhiat; neem’s dy jarroo uss y reir lesh laue yesh my ynrickys.

Jannoo 2:33

Shen-y-fa myr t’eh er ny ghoaill seose liorish laue yesh Yee, as er gheddyn veih yn Ayr gialdyn yn Spyrryd Noo, t’eh er gheayrtey magh shoh ta shiuish nish fakin as clashtyn.

Ashlish 15:3

As ghow ad arrane Voses sharvaant Yee, as arrane yn Eayn, gra, Mooar as mirrilagh ta dty obbraghyn, Hiarn Yee Ooilley-niartal; cairagh as firrinagh ta dty raaidyn, uss Ree nooghyn.