Psalmyn 17:14 - Yn Vible Casherick 1775 1819

¹⁴ Veih deiney dty laue, O Hiarn, veih ny deiney, ta mee gra, as veih’n drogh heihll: ta’n toghyr oc ’sy vea shoh, ny builg oc t’ou dy lhieeney lesh dty verchys follit.

Lioar ny Psalmyn 1765 (Pointed)

¹⁴ Veih deiney dty laue, O Hiarn, veih ny deiney, ta mee gra, as veih’n drogh heihll: ta’n toghyr oc ’sy vea shoh, ny builg oc t’ow dy lhieeney lesh dty verchys follit.

Psalmyn 17:14 ပူးပေါင်းရင်းမြစ်များ

Lioar Yob 12:6

Ta cabbaneyn ny roosteyryn bishaghey, as t’adsyn ta brasnaghey Jee ayns sauchys; gys ny laueyn oc ta Jee cur stiagh dy palchey.

Lioar Yob 12:9

Quoi eh nagh vel fys echey liorish ooilley shoh, dy nee laue Yee t’er n’yannoo eh?

Lioar Yob 21:21

Son cre’n taitnys t’echey ayns e hie vees ny lurg, tra ta earroo ny meeaghyn echey er ny yiarey jeh ’sy vean?

Lioar Yob 22:18

Ny-yeih lhieen eh nyn dhieyn lesh nheeghyn mie: agh ta coyrle ny mee-chrauee foddey voym.

Psalmyn 39:6

Cur-my-ner, t’ou uss er n’yannoo my laghyn myr lhiurid reaish: as cha vel my eash agh myr red gyn veg dy ve soylit hood’s; as dy firrinagh ta dy chooilley ghooinney bio ooilley-cooidjagh fardail.

Psalmyn 73:12

Jeeagh, ad shoh ny mee-chrauee, ad shoh ta bishaghey ayns y theihll, as oc shoh ta berchys ayns nyn gummal: as dooyrt mee, Eisht ta mish er ghlenney my chree ayns fardail, as er niee my laueyn ayns ônid.

Raaghyn Creeney 2:4

My shirrys oo ee myr argid, as ronsaghey er y hon eck, myr son berchys follit;

Noo Mian 13:44

Reesht ta reeriaght niau goll-rish berchys follit ayns magher: yn verchys cheddin tra ta dooinney dy gheddyn magh, t’eh dy choodaghey eh, as ayns boggey jeh t’eh goll as creck ooilley ny t’echey, as kionnaghey yn magher cheddin.

Noo Luke 16:25

Agh dooyrt Abraham, Vac, cooinee uss ayns earish dty vea dy row ayd’s dy chooilley nhee mie, as myrgeddin ec Lazarus cha row monney agh seaghyn: agh nish t’eshyn er ny gherjaghey, as t’ou uss er dty horchaghey.

Noo Luke 16:8

As voyll y chiarn y stiurt neu-chairagh, er-y-fa dy row eh er n’yannoo dy creeney: son ta cloan y theihll shoh ayns nyn sheeloghe ny s’creeney na cloan y toilshey.

Noo Ean 15:19

Dy beagh shiuish jeh’n theihll, veagh y seihll graihagh er e vooinjer hene: agh son nagh vel shiu jeh’n theihll, agh dy vel mish er reih shiu ass y theihll, shen-y-fa ta dwoaie ec y theihll erriu.

Noo Ean 17:14

Ta mee er chur daue dty ghoo; as ta’n seihll er chur dwoaie daue, er-y-fa nagh vel ad jeh’n theihll, myr nagh vel mish jeh’n theihll.

Noo Ean 8:23

As dooyrt eh roo, Ta shiuish veih heese, ta mish veih heose: ta shiuish jeh’n theihll shoh, cha vel mish jeh’n theihll shoh.

Jamys 5:5

Ta shiu er vaghey ayns soaillid as rouanys er y thalloo; ta shiu er veiygh nyn greeaghyn, myr ayns laa yn vuitchoorys.