Psalmyn 17:1 - Yn Vible Casherick 1775 1819

¹ Eaisht rish cairys my chooish, O Hiarn, smooinee er my accan: as clasht rish my phadjer, nagh vel goll magh ass meillyn molteyragh.

Lioar ny Psalmyn 1765 (Pointed)

¹ Eaisht rish cairys my chooish, O Hiarn, smooinee er my accan: as clasht rish my phadjer, nagh vel goll magh ass meillyn molteyragh.

Psalmyn 17:1 ပူးပေါင်းရင်းမြစ်များ

2 Samuel 22:24

Va mee myrgeddin ynrick kiongoyrt rish, as hug mee cooyl rish my olkys hene.

2 Recortyssyn 7:15

Eisht bee my hooillyn foshlit, as my chlashtyn foayroil gys y phadjer vees jeant ’syn ynnyd shoh.

Nehemiah 1:6

Lhig da dty chleaysh nish geaishtagh, as dty hooillyn ’ve foshlit, dy vod oo clashtyn padjer dty harvaant, ta mee goaill kiongoyrt rhyt nish, laa as oie, ayns lieh cloan Israel dty harvaantyn, goaill-rish peccaghyn cloan Israel, ta shin er n’yannoo dt’oï: ta chammah mish as thie m’ayrey er n’yannoo peccah.

Lioar Yob 16:17

Cha nee son mee-chairys erbee ayns my laueyn: ta my phadjer myrgeddin ynrick.

Psalmyn 102:2

Ny follee dt’eddin voym ayns earish my heaghyn: croym dty chleayshyn hym tra ta mee geamagh; O eaisht rhym, as shen dy feer leah.

Psalmyn 140:12

Shickyr ta mee dy jean y Chiarn cooilleeney ’ghoaill ayns lieh’n voght: as dy gum eh seose cooish yn ymmyrchagh.

Psalmyn 142:1

Hrog mee seose my choraa gys y Chiarn: dy jarroo, gys y Chiarn ren mee my aghin.

Psalmyn 142:6

Deïe mee hood’s, O Hiarn, as dooyrt mee: Uss my hreishteil as my eiraght ayns cheer y sleih bio.

Psalmyn 143:1

Eaisht rish my phadjer, O Hiarn, as cur geill da my yeearree: cur clashtyn dou er graih dty ynrickys as dty chairys;

Psalmyn 145:18

Ta’n Chiarn er-gerrey dauesyn ooilley ta geamagh er: dy jarroo, dauesyn ooilley ta geamagh er ayns ynrickys.

Psalmyn 18:20

Nee’n Chiarn m’y chooilleeney lurg my ghellal cairagh: cordail rish glennid my laueyn nee eh lhiasaghey dou;

Psalmyn 18:44

Pobble nagh nhione dooys: nee m’y hirveish.

Psalmyn 43:1

Cur briwnys er my heu, O Yee, as jean my chooish y endeil noi’n sleih mee-chrauee: O jean m’y livrey veih’n dooinney molteyragh as olkyssagh.

Psalmyn 5:2

O eaisht rish coraa my eam, my Ree, as my Yee: son hood’s nee’m my phadjer.

Psalmyn 54:4

Cur-my-ner, she Jee m’er-coonee: ta’n Chiarn mâroosyn ta cummal seose m’annym.

Psalmyn 55:18

Fastyr, as moghrey, as ec y vun-laa nee’m padjer y ghoaill, as shen dy jeean: as clynnee eh my choraa.

Psalmyn 61:1

Clasht rish my eam, O Yee: eaisht rish my phadjer.

Psalmyn 61:2

Veih king y theihll nee’m geamagh ort: tra ta my chree ayns trimshey.

Psalmyn 7:8

Nee’n Chiarn yn pobble y vriwnys; cur briwnys lhiam, O Hiarn: lurg my ynrickys, as cordail rish y neu-loghtynid t’aynym.

Psalmyn 84:9

Cur-my-ner, O Yee nyn vendeilagh: as jeeagh er eddin dt’er-ooilit.

Psalmyn 86:1

Croym dty chleaysh, O Hiarn, as clasht rhym: son ta mee boght, as ayns treihys.

Psalmyn 86:6

Cur clashtyn, Hiarn, da my phadjer: as smooinee er coraa my aghin’s imlee.

Psalmyn 88:3

Ta mee coontit myr fer jeusyn ta goll sheese ’syn ooig: as ta mee er ve dy jarroo myr dooinney nagh vel veg y vree ayn.

Isaiah 29:13

Shen-y-fa dooyrt y Chiarn, Son wheesh as dy vel yn pobble shoh tayrn er-gerrey dooys lesh nyn meeal, as dy my ooashlaghey lesh nyn meillyn, agh ta’n cree oc er ny scughey foddey voym, as ta nyn aggle roym er ny ynsaghey liorish oardagh deiney:

Jeremiah 3:10

As ny-yeih son ooilley shoh, cha vel y chuyr foalsey eck Judah er hyndaa hym’s lesh e slane cree, agh ayns molteyrys, ta’n Chiarn dy ghra.

Noo Mian 15:8

Ta’n pobble shoh tayrn er-gerrey dou lesh nyn meeal, as cur ooashley dou lesh nyn meillyn, agh ta’n cree oc foddey voym.

Noo Ean 1:47

Honnick Yeesey Nathanael cheet ny whail, as dooyrt eh jehsyn, Cur-my-ner Israelite firrinagh, ayn nagh vel molteyrys erbee.

1 Ean 3:21

My chaarjyn, mannagh vel nyn gree dy nyn gheyrey, eisht ta dunnallys ain dy hayrn er-gerrey gys Jee.