Psalmyn 16:7 - Yn Vible Casherick 1775 1819

⁷ Ta my chronney er duittym ayns cheer aalin: dy feer, ta aym eiraght ooasle.

Lioar ny Psalmyn 1765 (Pointed)

⁷ Ta my chronney er duittym ayns cheer aalin: dy-feer, ta aym eiraght ooasle.

Psalmyn 16:7 ပူးပေါင်းရင်းမြစ်များ

Psalmyn 119:148

Ta my hooillyn dooisht roish arrey ny hoie: dy voddym my hraa ’vaarail ayns dty ghoan.

Psalmyn 119:55

Ta mee er smooinaghtyn er dt’ennym’s, O Hiarn, ayns earish ny hoie: as er vreayll dty leigh.

Psalmyn 119:7

Ver-ym booise dhyt lesh cree firrinagh: tra vee’m er n’ynsaghey briwnyssyn dty chairys.

Psalmyn 17:3

T’ou er phrowal as er ronsaghey my chree ayns imbagh ny hoie; t’ou er my hirrey magh as cha vow veg yn olkys aynym: son ta mee dy slane kiarit nagh jean-ym foill lesh my hengey.

Psalmyn 22:2

O my Yee, ta mee geam fey-ny-laa, agh cha vel oo cur clashtyn: as ayns imbagh ny hoie myrgeddin cha vel mee geddyn veg y fea.

Psalmyn 42:8

My Yee, ta m’annym seaghnit cheu-sthie jee’m: shen-y-fa neem’s cooinaghtyn ort’s mychione thalloo Yordan, as cronk beg Hermon.

Psalmyn 63:6

Bee m’annym er ny yannoo magh, dy jarroo myr dy beagh eh lesh smuir as meeaylys: tra ta my veeal dy dty voylley lesh meillyn gerjoil.

Psalmyn 73:21

Cha ommijagh shen va mee, as cha mee-hushtagh: dy jarroo myr baagh kiongoyrt rhyt.

Psalmyn 73:24

Quoi t’aym ayns niau agh uss: as cha vel unnane erbee er y thalloo ta mee dy yeearree ayns soylaghey jeed’s.

Psalmyn 77:2

Ayns traa my heaghyn hir mee yn Chiarn: ren my hing roie, as cha ghow eh fea fud-ny-hoie; ren m’annym gerjagh y obbal.

Psalmyn 77:6

Ta mee tayrn gys cooinaghtyn m’arrane: as ayns yn oie ta mee resooney rish my chree hene, as ronsaghey magh m’annym.

Raaghyn Creeney 8:14

Mârym’s ta coyrle vie, as keeayl fondagh: mish tushtey, as mish niart.

Isaiah 26:9

Lesh my annym ta mee er yeearree oo ’syn oie; dy jarroo, lesh my spyrryd cheu-sthie jee’m nee’m shirrey hood dy moghey: son tra ta dty vriwnyssyn er y thalloo, nee cummaltee yn theihll gynsaghey cairys.

Isaiah 48:17

Myr shoh ta’n Chiarn dty Er-kionnee gra, Jee casherick Israel; Mish y Chiarn dty Yee ta dty ynsaghey gys dty vondeish hene, ta dty leeideil er y raad ayn lhisagh oo gimmeeaght.

Isaiah 50:4

Ta’n Chiarn Jee er choyrt dou chengey ny fir-ynsee, ry-hoi fys ’ve aym dy loayrt fockle [gerjoilagh] ayns traa cooie dasyn ta seaghnit: moghrey lurg moghrey t’eh dy my ghoostey; t’eh doostey my chleaysh dy chlashtyn myr ny fir-ynsee.

Jeremiah 12:2

T’ou er hoiaghey ad, as t’ad eer er ghoaill fraue; t’ad gaase; dy jarroo, t’ad gymmyrkey mess: t’ou uss er-gerrey ’sy veeal oc, agh foddey veih nyn gree.

Jeremiah 17:10

Ta mish y Chiarn ronsaghey yn cree, ta mee prowal ny meeghyn, eer dy chooilleeney da dy chooilley ghooinney corrym rish e raaidyn, as cordail rish mess e obbraghyn.

Noo Luke 6:12

As haink eh gy-kione ayns ny laghyn shen, dy jagh eh seose er slieau dy ghoaill padjer, as dy ren eh tannaghtyn fud-ny-hoie ayns padjer gys Jee.

Ashlish 2:23

As stroie-ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver-yms da dagh unnane eu cordail rish nyn obbraghyn.