Psalmyn 16:3 - Yn Vible Casherick 1775 1819

³ Ta ooilley my haitnys er ny nooghyn t’er y thalloo: as er nyn lheid as ta dy firrinagh crauee.

Lioar ny Psalmyn 1765 (Pointed)

³ Ta ooilley my haitnys er ny nooghyn t’er y thalloo: as er nyn lheid as ta dy-firrinagh crauee.

Psalmyn 16:3 ပူးပေါင်းရင်းမြစ်များ

2 Recortyssyn 6:41

Nish er-y-fa shen, trog ort, O Hiarn Yee, gys thie dty chummal hene, uss as arg dty niart: lhig da dty haggyrtyn, O Hiarn Yee, ve coamrit lesh saualtys, as lhig da dty nooghyn boggey ’ghoaill ayns mieys.

Psalmyn 101:6

Quoi-erbee ta cooyl-chassid e naboo: eshyn nee’m y stroie.

Psalmyn 116:15

Cheb-ym hood’s yn oural dy hoyrt-booise: as nee’m geamagh er Ennym y Chiarn.

Psalmyn 119:63

Ta mee my heshey dauesyn ooilley ta goaill aggle royd: as ta freayll dty annaghyn.

Psalmyn 122:8

Er graih my vraaraghyn as my heshaghyn dooie: guee-ym son dty vaynrys.

Psalmyn 30:4

Gow-jee arraneyn-moyllee gys y Chiarn, O shiuish e nooghyn: as cur-jee booise da ayns cooinaghtyn jeh e chasherickys.

Raaghyn Creeney 12:26

Ta’n dooinney cairal ny s’ooasle na e naboo: agh ta raad ny mee-chrauee cur ad er-shaghryn.

Raaghyn Creeney 13:20

Eshyn ta taaghey marish deiney creeney, bee eh creeney: agh bee sheshey ommydanyn currit naardey.

Raaghyn Creeney 8:31

Goaill boggey ayns cummaltee yn theihll, as va my haitnys marish cloan gheiney.

Arrane Solomon 7:10

Ta mish lesh my ghraih, as orrym’s ta e chree’s soit.

Isaiah 62:4

Cha bee uss ny smoo enmyssit Yn unnane treigit: chamoo vees dty heer ny lurg shoh enmyssit Traartys: agh bee uss enmyssit Hephzibah, as dty heer Beulah: son ta’n Chiarn goaill taitnys aynyd, as bee dty heer poost rish.

Malachi 3:17

As bee ad lhiam’s, ta’n Chiarn, Jee ny flaunyssee, dy ghra, er y laa ta mee jannoo seose my chooid chostal, as beem’s erreeishagh daue, myr ta dooinney erreeishagh da e vac, ta shirveish eh.

Jannoo 9:13

Eisht dreggyr Ananias, Hiarn, ta mee er chlashtyn veih fer ny ghaa jeh’n dooinney shoh, dy mooar yn aggair t’eh er n’yannoo da dty nooghyn’s ec Jerusalem.

Galatianee 6:10

Myr ta caa ain er-y-fa shen, lhig dooin mie ’yannoo da dy chooilley ghooinney, er-lheh dauesyn ta jeh lught-thie’n chredjue.

Ephesianee 1:1

Paul ny ostyl dy Yeesey Creest, liorish aigney Yee, gys ny nooghyn t’ayns Ephesus, as hucsyn ta credjal ayns Creest Yeesey:

Titus 3:8

Shoh raa firrinagh, as ny reddyn shoh saillym oo kinjagh dy hionney orroo, dy vod adsyn ta er chredjal ayns Jee, ve kiaralagh dy hoilshaghey magh obbraghyn mie: ta ny reddyn shoh mie as vondeishagh da deiney.

Hebrewnee 6:10

Son cha vel Jee neu-chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo.]