Psalmyn 16:11 - Yn Vible Casherick 1775 1819

¹¹ Son cre’n-fa? cha vaag uss m’annym ayns stayd ny merriu: chamoo lhiggys oo da dt’er-casherick hene dy akin loauys.

Psalmyn Ghavid 1761 (Metrical)

¹¹ Cre’n-oyr? cha jean uss lhiggey dooys, Ayns stayd ny merriu lhie; Ny surranse da dt’er-cash'rick cheet Gys loauid ayns yn oaie.

Lioar ny Psalmyn 1765 (Pointed)

¹¹ Son cre’n-fa? cha vaag uss m’annym ayns stayd ny merriu: cha-moo lhiggys oo da dt’Er-casherick hene dy akin loauys.

Psalmyn 16:11 ပူးပေါင်းရင်းမြစ်များ

Psalmyn 139:24

Jeeagh my ta mee ayns raad erbee dy olkys: as leeid mee gys raad yn vea dy bragh farraghtyn.

Psalmyn 17:15

Ta cloan oc lurg nyn aigney: as t’ad faagail ny ta er-mayrn jeh nyn merchys da nyn luight.

Psalmyn 4:8

T’ou er choyrt gennallys ayns my chree: er-dyn traa dy ren yn arroo, as y feeyn, as yn ooil ocsyn bishaghey.

Psalmyn 68:4

O gow-jee arrane gys Jee, as arraneyn-moyllee gys e ennym: cur-jee ard-voylley dasyn ta markiagh er ny niaughyn, myr er cabbyl; cur-jee moylley da ayns e ennym Jah, as gow-jee boggey kiongoyrt rish.

Raaghyn Creeney 12:28

Ayns raad yn ynrickys ta bea, as ayns y chassan shen cha vel nhee baasoil erbee.

Raaghyn Creeney 2:19

Cha vel veg ta taaghey mâree chyndaa reesht, chamoo t’ad dy ghoaill ny cassanyn dy vea.

Raaghyn Creeney 4:18

Agh ta raad y vooinjer chrauee myr yn soilshey sollys, ta soilshean ny smoo as ny smoo derrey’n ard-vunlaa.

Raaghyn Creeney 5:6

Dy dty chleayney veih smooinaghtyn er raad y vea, ta ny cassanyn ecksh camlaagagh, nagh vod oo toiggal ad.

Isaiah 2:3

As hed ymmodee pobble, as jir ad, Tar-jee, as lhig dooin goll seose gys slieau yn Chiarn, gys thie Yee Yacob; as ynsee eh dooin eh raaidyn, as nee mayd shooyl ayns e chassanyn: son magh ass Zion hig y leigh, as goo yn Chiarn veih Jerusalem.

Noo Mian 25:33

As soie-ee eh ny kirree er e laue yesh, agh ny goair er e laue chiare.

Noo Mian 25:46

As hed ad shoh ersooyl gys y kerraghey dy bragh farraghtyn: agh y chloan chairagh gys y vea veayn.

Noo Mian 5:8

Bannit t’adsyn ta glen ayns cree: son ver ad Jee my-ner.

Noo Mian 7:14

Er-yn-oyr dy nee chion ta’n giat, as coon ta’n raad ta leeideil gys bea, as s’tiark ad ta dy haaghey eh.

Noo Mark 16:19

Myr shen erreish da’n Chiarn v’er loayrt roo, v’eh er ny ghoaill seose gys niau, as hoie eh er laue yesh Yee.

Jannoo 2:28

T’ou er hoilshaghey dooys raaidyn y vea; ta dty eddin er my lhieeney lesh gerjagh.

Jannoo 7:56

As dooyrt eh, Cur-my-ner, hee-ym ny niaughyn foshlit, as Mac y dooinney ny hassoo er laue yesh Yee.

Romanee 8:11

Agh my ta’n Spyrryd echeysyn hrog seose Yeesey veih ny merriu, baghey ayndiu; nee eshyn hrog Creest veih ny merriu, ny kirp marvaanagh euish myrgeddin y vioghey, liorish e Spyrryd ta cummal ayndiu.

1 Corinthianee 13:12

Son nish ta shin fakin trooid gless dy dorraghey; agh eisht eddin dy eddin: nish ta my enney ayns ayrn; agh eisht bee my enney dy jarroo myr ta enney orrym pene.

2 Corinthianee 4:17

Son ta’n seaghyn eddrym ain, nagh vel agh son shallid, gobbraghey nyn gour towse erskyn-earroo foddey smoo as dy bragh farraghtyn dy ghloyr;

Ephesianee 3:19

As dy hoiggal graih Chreest, ta erskyn tushtey, dy vod shiu ve jeant magh lesh ooilley laanid Yee.

1 Peddyr 1:21

Ta liorishyn credjal ayns Jee, hrog eh seose veih ny merriu, as hug da gloyr, dy voddagh nyn gredjue as nyn dreishteil ve ayns Jee.

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard-reillyn, as pooaraghyn er nyn injillaghey.

1 Ean 3:2

My chaarjyn, nish ta shin nyn gloan dy Yee, as cha lheear dooin foast cre vees mayd: agh ta fys ain, tra vees eshyn er ny hoilshaghey, dy bee mayd goll-rishyn; son nee mayd fakin eh myr t’eh.

Jude 1:24

Nish huggeysyn ta abyl dy reayll shiu veih tuittym, as dy hebbal shiu gyn loght kionfenish e ghloyr lesh boggey erskyn towse,

Ashlish 22:5

As cha bee oie edyr ayns shen, as cha vel ad feme cainle, chamoo soilshey’n ghrian; son ta’n Chiarn Jee coyrt soilshey daue: as nee ad reill son dy bragh as dy bragh.