Psalmyn 16:10 - Yn Vible Casherick 1775 1819

¹⁰ Shen-y-fa va my chree gennal as my ghloyr lane dy voggey: nee my challin myrgeddin goaill fea ayns treishteil.

Psalmyn Ghavid 1761 (Metrical)

¹⁰ Er shen my chree ren gennal gaase, My ghloyr ren boggey ’ghoaill; My eill ghoys fea ayns slane treishteil Jeh irree-reesht gerjoil.

Lioar ny Psalmyn 1765 (Pointed)

¹⁰ [Shen-y-fa va my chree gennal, as my ghloyr laane dy voggey: nee my challin myrgeddin goaill fea ayns treishteil.]

Psalmyn 16:10 ပူးပေါင်းရင်းမြစ်များ

Lioar Yob 11:8

T’eh ny syrjey na niau; cre oddys oo y yannoo? ny s’diuney na niurin; cre’n tushtey oddys ’ve ayd jeh?

Psalmyn 139:8

My ghoym skianyn y voghrey: as tannaghtyn ayns ny ardjyn sodjey magh d’yn aarkey;

Psalmyn 49:15

Agh nee Jee m’annym y livrey veih pooar yn oaie: son nee eh m’y ghoaill huggey hene.

Psalmyn 9:17

Bee ny drogh-yantee er nyn jyndaa gys niurin: as ooilley yn sleih ta jarrood Jee.

Raaghyn Creeney 15:11

Ta niurin as toyrt-mow kiongoyrt rish y Chiarn, cre wheesh smoo ta creeaghyn cloan gheiney.

Raaghyn Creeney 27:20

Cha vel yn oaie ny’n baase dy bragh lane: myr shen cha vel sayntyn sooilley dy bragh jeant magh.

Isaiah 14:9

Ta niurin veih heese er ny ghoostey er dty hon, dy heet dty whail tra hig oo: te gleashagh seose ny merriu er dty hon, dy feer ooilley ard-gheiney yn theihll; te er hroggal seose veih nyn stuill-reeoil ooilley reeaghyn ny ashoonyn.

Isaiah 5:14

Shen-y-fa ta’n oaie er vooadaghey ee hene, as er vosley e beeal erskyn-towse: as nyn ghloyr, as y slane shiartanse jeu, as nyn mooaralys, as yn er boggyssagh, hed sheese ayn dy cheilley.

Daniel 9:24

Ta three-feed shiaghtinyn as jeih kiarit er dty phobble, as er dty ard-valley casherick, dy lhiettal mee-chraueeaght, as dy choyrt jerrey er peccah, as dy yannoo lhiasaghey son mee-chairys, as dy choyrt lesh stiagh ynrickys dy bragh farraghtyn, as dy sealal seose yn ashlish, as y phadeyrys, as dy ooilaghey yn er smoo casherick.

Leviticus 19:28

Cha jean shiu giaraghyn y choyrt ayns yn eill eu son ny merriu, ny cronnyn erbee y choyrt erriu: Mish y Chiarn.

Amos 9:2

Ga dy gleiyagh ad gys niurin, veih shen nee my laue ad y ghoaill, as ga dy jed ad seose gys niau, veih shen ver-ym lhiam neose ad:

Earrooyn 6:6

Ooilley ny laghyn t’eh dy chiangley eh hene gys y Chiarn; cha jig eh coair corp marroo erbee.

Noo Luke 1:35

As dreggyr yn ainle as dooyrt eh r’ee, Hig yn Spyrryd Noo neose ort, as bee pooar yn Er-syrjey er ny skeayley harryd: shen-y-fa bee yn sluight chasherick shen ver oo son y theihll, enmyssit Mac Yee.

Noo Luke 16:23

As ayns niurin, raad v’eh er ny horchaghey, hrog eh seose e hooillyn, as honnick eh Abraham foddey veih, as Lazarus ayns e oghrish.

Noo Luke 4:34

Gra, Faag shin; cre’n eïe t’ayd orrin uss Yeesey dy Nazareth? vel oo er jeet dy nyn stroie? ta fys aym quoi oo hene; Fer-casherick Yee.

1 Corinthianee 15:42

Er yn aght shoh myrgeddin ta’n irree-seose-reesht veih ny merriu. Te er ny chuirr ayns broïd; te troggit seose ayns glennid:

Deuteronomy 32:22

Son ta aile er vrishey magh ayns my yymmoose, nee lostey gys y diunid sodjey sheese, as ver eh mow yn thalloo, lesh e bishagh, as ver eh aile fo undinyn ny sleityn.

Ashlish 1:18

Mish eh ta bio, as va marroo; as cur-my-ner ta mee bio er son dy bragh, Amen; as ta aym ogheryn niurin as baase.

Ashlish 20:13

As livrey yn aarkey seose ny merriu v’aynjee, as ren y baase as yn oaie adsyn y livrey seose v’ayndoo: as va dy chooilley ghooinney er ny vriwnys cordail rish e obbraghyn.