Psalmyn 16:1 - Yn Vible Casherick 1775 1819

¹ Jean m’y choadey, O Yee: son aynyd’s ta mee er choyrt my hreishteil.

Lioar ny Psalmyn 1765 (Pointed)

¹ Jean m'y choadey, O Yee: son ayn-yds ta mee er choyrt my hreishteil.

Psalmyn 16:1 ပူးပေါင်းရင်းမြစ်များ

Psalmyn 116:6

Ta’n Chiarn coadey adsyn ta gyn-loght: va mish ayns seaghyn, as chooin eh lhiam.

Psalmyn 125:1

Bee adsyn ta coyrt nyn dreishteil ayns y Chiarn, dy jarroo myr cronk Sion: nagh vod v’er ny scughey, agh ta shassoo shickyr er son dy bragh.

Psalmyn 146:5

Ta er chroo niau as thalloo, yn faarkey, as ooilley ny t’ayndoo: ta freayll e yialdyn son dy bragh;

Psalmyn 17:5

Cum uss seose my immeeaght ayns dty raaidyn: nagh jean my chesmadyn skyrraghtyn.

Psalmyn 17:8

Jean m’y reayll myr clagh ny sooilley: follee mee fo scaa dty skianyn.

Psalmyn 22:8

Hreisht eh ayns Jee, dy jinnagh eh eshyn y livrey: lhig da eh y livrey, my ta taitnys echey ayn.

Psalmyn 25:20

Lhig da ônid as dellal yeeragh goll mârym: son ta my hreishteil er ny ve aynyd’s.

Psalmyn 31:23

Dy row booise gys y Chiarn: son t’eh er yeeaghyn dooys kenjallys yindyssagh ayns ard-valley lajer.

Psalmyn 37:28

Son shynney lesh y Chiarn shen ny ta cairagh: cha vel eh treigeil e vooinjer chrauee hene, agh t’ad er nyn goadey er son dy bragh.

Psalmyn 56:1

Bee myghinagh dooys, O Yee, son ta dooinney shirrey dy my stroie: t’eh gagh laa caggey as dy my heaghney.

Psalmyn 60:1

O Yee t’ou er hilgey shin magh, as er skeayley shin dy lhean: t’ou myrgeddin er ve jymmoosagh rooin; O chyndaa hooinyn reesht.

Psalmyn 7:1

O Hiarn my Yee, aynyd’s ta mee er choyrt my hreishteil: saue mee vouesyn ooilley ta jannoo tranlaase orrym, as livrey mee;

Psalmyn 7:2

Er-aggle dy stroie eh my vioys myr lion, as eh y raipey dy peeshyn: choud as nagh vel unnane dy chooney lhiam.

Psalmyn 84:12

Son ta’n Chiarn Jee ny hoilshey as fendeilagh: ver y Chiarn grayse as gloyr: as cha bee nhee mie erbee er ny chummal vouesyn ta leeideil bea chrauee.

Psalmyn 9:10

As adsyn shione daue dty Ennym, ver nyn dreishteil aynyd’s: son cha vel uss, Hiarn, rieau er hreigeil adsyn ta dy dty hirrey.

Psalmyn 97:10

O shiuish ta graihagh er y Chiarn, jeeagh-jee dy der shiu dwoaie da’n olk: ta’n Chiarn coadey anmeenyn e nooghyn; nee eh ad y livrey veih laue ny mee-chrauee.

Raaghyn Creeney 2:8

T’eh dy reayll ny kesmadyn dy vriwnys, as coadey raad e nooghyn.

2 Corinthianee 1:9

Agh va shin fo briwnys y vaaish aynin hene, nagh jinnagh shin treishteil orrin hene, agh er Jee ta troggal ny merriu.

2 Timothy 1:12

Er-yn-oyr cheddin ta mee myrgeddin surranse ny reddyn shoh, ny-yeih cha vel nearey orrym: son shione dou eshyn ayn ta mee er chredjal, as ta mee feer shickyr dy vel eh abyl dy reayll shen ny ta mee er hymney gys e chiarail gys yn laa shen.