Psalmyn 150:3 - Yn Vible Casherick 1775 1819

³ Cur-jee moylley da lesh feiyr y chayrn: moylley-jee eh er y lute as y chlaasagh.

Lioar ny Psalmyn 1765 (Pointed)

³ Cur-jee moylley da lesh fiyr y chayrn: moylley-jee eh er y lute as y chlaasagh.

Psalmyn 150:3 ပူးပေါင်းရင်းမြစ်များ

2 Samuel 6:15

Myr shoh hug David as ooilley thie Israel lhieu seose arg y Chiarn, lesh kiaulleeaght as lesh feiyr y trumpet.

2 Samuel 6:5

As chloie David as ooilley thie Israel fenish y Chiarn, er dy chooilley horch dy ghreïnyn-kiaullee jeant dy uys, er claasaghyn as psaltereeyn, as er timbrelyn, as er cornettyn, as er cymballyn.

1 Recortyssyn 15:20

As Zechariah, as Aziel, as Shemiramoth, as Jehiel, as Unni, as Eliab, as Maaseiah, as Benaiah, lesh psaltereeyn er Alamoth.

1 Recortyssyn 15:24

As liorish Shebaniah, as Jehoshaphat, as Nethaneel, as Amasai, as Zechariah, as Benaiah, as Eliezer ny saggyrtyn va ny trumpetyn er ny hellym roish arg Yee: as Obed-edom as Jehiah va geiyrt er yn arg.

1 Recortyssyn 15:28

Shoh myr hug ooilley Israel lhieu seose arg conaant y Chiarn lesh yllagh, as lesh feiyr y chornet, as lesh trumpetyn, as lesh cymballyn, jannoo kiaull lesh psaltereeyn as claasaghyn.

1 Recortyssyn 16:42

As mâroosyn Heman as Jeduthun lesh trumpetyn as cymballyn son ard-vingys, as lesh greinyn-kiaullee elley dy choyrt moylley da Jee. As va mec Jeduthun ny porteryn.

1 Recortyssyn 25:1

Marish shoh, ren David as ard-gheiney ny saggyrtyn soiaghey er-lheh gys shirveish mec Asaph, as Heman, as Jeduthun, adsyn va dy ghoaill arraneyn casherick er claasaghyn, er psaltereeyn, as er cymballyn, as earroo ny deiney ayns y chirveish shoh, va,

2 Recortyssyn 20:28

As haink ad gys Jerusalem lesh psaltereeyn, as claasaghyn, as trumpetyn, gys thie’n Chiarn.

2 Recortyssyn 5:13

Haink eh eer gy-kione, myr va ny trumpeteryn hellym lesh cayrnyn, as ny fir-chiaullee goll lesh y cheilley ’syn un chiaull, ayns coyrt moylley as booise da’n Chiarn; as myr v’ad troggal seose nyn goraa dy ard lesh ny trumpetyn, as ny cymballyn, as ny greinyn bingys, as coyrt ard-voylley da’n Chiarn, gra, Son t’eshyn mie, son ta e vyghin farraghtyn son dy bragh: dy row eisht yn thie, eer thie’n Chiarn, er ny lhieeney lesh bodjal;

Psalmyn 108:2

Dooisht, uss lute as chlaasagh: dooisht-yms mee hene feer voghey.

Psalmyn 149:3

Lhig daue moylley yn Ennym echey ayns y daunsin: lhig daue arraneyn-moyllee ’ghoaill huggey lesh tabret as y chlaasagh;

Psalmyn 33:2

Moylley-jee yn Chiarn lesh y chlaasagh: gow-jee arraneyn-moyllee da lesh y lute, as y ghreïe-chiaull dy yeih strengyn.

Psalmyn 92:3

Er greïe-chiaull dy yeih strengyn, as er y lute: er greïe ard, as er y chlaasagh.

Daniel 3:5

Ec traa erbee dy glinnys shiu feiyr y trumpet, feddan, claasagh, sackbut, psalteree, dulcimer, as dy chooilley cheint dy chiaulleeaght, dy jean shiu tuittym sheese, as ooashlaghey yn jalloo airh ta Nebuchadnezzar yn ree er hoiaghey seose.

Earrooyn 10:10

Myrgeddin er laa’n ghennallys eu, as er ny laghyn feailley eu, as ayns toshiaght ny meeaghyn eu, nee shiu sheidey lesh ny trumpetyn harrish ny chebballyn-losht eu; as harrish ny ourallyn-shee eu; dy vod shoh ve diu son cooinaghtyn roish y Jee eu: Mish y Chiarn y Jee eu.