Psalmyn 15:3 - Yn Vible Casherick 1775 1819

³ Eshyn nagh vel er chliaghtey molteyraght erbee ayns e hengey, ny er n’yannoo olk da e naboo: as nagh vel er chooyl-chassid e naboo.

Psalmyn Ghavid 1761 (Metrical)

³ Eh nagh dug scammylt rieau, dy ghoaill Veih ’naboo e ghoo mie; As nagh dug cleaysh da’n tutlar broghe Ta shooyl veih thie dy thie.

Lioar ny Psalmyn 1765 (Pointed)

³ Eshyn nagh vel er chliaghtey molteyraght erbee ayns e hengey, ny er n’yannoo olk da e naboo: as nagh vel er chooyl-chassid e naboo.

Psalmyn 15:3 ပူးပေါင်းရင်းမြစ်များ

Raaghyn Creeney 22:10

Eiyr magh yn scammyltagh, as bee anvea ec kione: dy feer, streeu, as oltooan, nee ad scuirr.

Raaghyn Creeney 25:3

Ta’n aer son yrjid, as y thalloo son diunid, as cree reeaghyn doillee dy ve cronnit.

Isaiah 56:2

S’bannit y dooinney ta jannoo shoh, as mac y dooinney ta goaill greme er; ta freayll yn doonaght veih brishey eh, as freayll e laue veih jannoo aggair.

Leviticus 19:16

Cha jed oo mygeayrt, myr skeealleyder mastey dty phobble: chamoo nee oo shassoo noi fuill dty naboo: Mish y Chiarn.

Noo Mian 7:12

Shen-y-fa dy chooilley nhee cre-erbee bailliuish deiney dy yannoo riuish, jean-jee shiuish y lheid cheddin roosyn: son shoh yn leigh as ny phadeyryn.

Romanee 1:30

Cooyl-chasseydee, noidyn Yee, roonee, moyrnee, boggyssee, gientyn reddyn olk, mee-viallee da ayraghyn as moiraghyn,

Romanee 12:17

Ny jean-jee olk son olk y chooilleeney da dooinney erbee. Kiare-jee ro-laue dy yannoo reddyn onneragh ayns shilley dy chooilley ghooinney.

Romanee 13:10

Cha vel graih jannoo aggair da e naboo; shen-y-fa she graih lhieeney yn leigh.

Titus 3:2

Nagh loayr ad olk jeh dooinney erbee, dy ve sheeoil, imlee, soilshaghey dy chooilley veenid da dagh unnane.

Jamys 4:11

Ny loayr-jee olk yn derrey yeh jeh’n jeh elley, vraaraghyn. Eshyn ta goltooaney e vraar, as briwnys e vraar, t’eh goltooaney yn leigh, as briwnys y leigh: agh my t’ou briwnys y leigh, cha vel oo cooilleeney’n leigh, agh jannoo oo hene dty vriw.

3 Ean 1:11

Charrey, ny eiyr er yn olk, agh er shen ta mie. Eshyn ta jannoo mie, t’eh jeh Jee: agh eshyn ta jannoo olk, cha vel eh er vakin Jee.

1 Samuel 24:11

Ny-sodjey, my ayr, jeeagh er shoh, jeeagh eer er skyrt dty choamrey ayns my laue: son liorish dy yiare mee jeh skyrt dty choamrey, as nagh ren mee oo y varroo, foddee oo toiggal as goaill tastey nagh vel olk ny drogh-yannoo ayns my laue, as nagh vel mee er yannoo peccah dt’oï; ny-yeih t’ou shelg son my vioys dy ghoaill eh.