Psalmyn 15:2 - Yn Vible Casherick 1775 1819

² Eshyn dy jarroo ta leeideil bea ôney: as ta jannoo yn red ta jeeragh, as ta loayrt yn irriney veih e chree.

Psalmyn Ghavid 1761 (Metrical)

² She eshyn eh ta leeideil bea Cordail rish leighyn Yee; E smooinaght, obbyr as e raa, Reilt liorish foays e chree.

Lioar ny Psalmyn 1765 (Pointed)

² Eshyn dy-jarroo ta leeideil bea ôney: as ta jannoo yn red ta jeeragh, as ta loayrt yn irriney veih e chree.

Psalmyn 15:2 ပူးပေါင်းရင်းမြစ်များ

Psalmyn 24:4

Eshyn eh ta laueyn glen echey, as cree gyn-loght: as nagh vel er hoiaghey e aigney er foalsaght, as nagh vel er ghoaill loo dy volley e naboo.

Psalmyn 84:11

Bare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.

Raaghyn Creeney 20:7

Ta dooinney cairal shooyl ayns e ynrickys: ta e chloan bannit ny yeï.

Raaghyn Creeney 28:18

Eshyn ta shooyl dy jeeragh, bee eh sauchey: agh eh ta roonagh ayns e raaidyn, tuittee eh dy gerrit.

Isaiah 33:15

Eshyn ta gimmeeaght ayns ynrickys, as loayrt yn irriney; eshyn ta dwoaie echey er cosney tranlaasagh, ta craa e laueyn veih goaill leagh briwnys, ta dooney e chleayshyn veih clashtyn fuill, as jeigh e hooillyn veih fakin olk;

Isaiah 63:8

Son dooyrt eh, Shickyr she my phobble ad, cloan nagh jean breg: myr shen v’eshyn nyn Saualtagh.

Micah 2:7

O uss ta enmyssit thie Yacob, vel spyrryd y Chiarn er ny leodaghey? nee shoh yn jannoo echeysyn? nagh vel my ghoan jannoo mie dasyn ta gimmeeaght dy cairal?

Noo Luke 1:6

As v’ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Jannoo 10:35

Agh ayns dy chooilley ashoon, eshyn ta goaill aggle roish, as gobbraghey cairys, ta soiaghey jeant jehsyn liorish.

Romanee 2:10

Agh gloyr, ooashley, as shee, da dy chooilley ghooinney ta gobbraghey mie, da’n Ew hoshiaght, as myrgeddin da’n Ashoonagh.

Galatianee 2:14

Agh tra honnick mee nagh row ad gymmyrkey ad-hene dy ynrick, cordail rish firrinys y tushtal, dooyrt mee rish Peddyr kiongoyrt roo ooilley, My t’ou uss, ta dty Hew, gymmyrkey oo-hene myr ny Ashoonee, as cha nee myr ny Hewnyn, cre’n-fa t’ou uss gêginaghey ny Ashoonee dy vaghey myr ny Hewnyn?

Ephesianee 2:10

Son ta shin yn obbyr echeysyn, er nyn groo ayns Creest Yeesey gys obbraghyn mie, ta Jee er n’oardaghey ro-laue dy jinnagh shin gimmeeaght ayndoo.

Ephesianee 4:25

Shen-y-fa treigeil breagyn, lhig da dy chooilley ghooinney yn irriney y loayrt rish e naboo: son ta shin oltyn yn derrey yeh jeh’n jeh elley.

Colossianee 3:9

Ny jean-jee breg ry-cheilley, fakin dy vel shiu er chur j’iu yn chenn ghooinney marish e obbraghyn;

Hebrewnee 11:33

Ren trooid credjue yn varriaght y gheddyn harrish reeriaghtyn, dobbree ad cairys, hooar gialdynyn jeant mie daue, yeigh beïll lionyn,

1 Ean 2:29

My ta fys eu dy vel eshyn cairagh, ta fys eu dy vel dy chooilley unnane ta cur rish cairys, er ny ruggey jehsyn.

1 Ean 2:6

Eshyn ta gra dy vel eh tannaghtyn aynsyn, lhisagh eh myr shen gimmeeaght, dy jarroo myr ren eshyn gimmeeaght.

1 Ean 3:7

Chloan veggey, ny lhig da dooinney erbee shiu y volley: eshyn ta jannoo cairys, t’eh cairagh, dy jarroo myr t’eshyn cairagh.

Ashlish 21:8

Agh adsyn ta faitagh, as mee-chredjuagh, as adsyn ta cur rish obbraghyn dwoaiagh, as dunveryn, as maarderee, as fir-obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.