Psalmyn 15:1 - Yn Vible Casherick 1775 1819

¹ Hiarn, quoi nee baghey ayns dty chabbane-agglish: ny quoi nee cummal er dty chronk casherick?

Psalmyn Ghavid 1761 (Metrical)

¹ Quoi gys dty phlaase reeoil, O Hiarn, Myr reih nee goaill jurnaa; Cha nee myr joarree goaill aaght oie, Agh ayn dy reayll dy bra.

Lioar ny Psalmyn 1765 (Pointed)

¹ Hiarn, quoi nee vaghey ayns dty chabbane-agglish: ny quoi vees ec fea er dty chronk chasherick?

Psalmyn 15:1 ပူးပေါင်းရင်းမြစ်များ

Psalmyn 2:6

Agh ta mish er hoiaghey seose my Ree: er Sion my chronk casherick.

Psalmyn 23:6

Agh eiyree dty chenjallys-ghraihagh as dty vyghin orrym ooilley laghyn my vea: as neem’s taaghey thie’n Chiarn choud as vee’m bio.

Psalmyn 3:4

Deïe mee er y Chiarn lesh my choraa: as cheayll eh mee ass e chronk casherick.

Psalmyn 61:4

Nee’m cummal ayns dty chabbane-agglish son dy bragh: as bee my hreishteil fo scaa dty skianyn.

Psalmyn 84:4

Bannit t’adsyn ta baghey ayns dty hie: bee ad dy kinjagh cur moylley dhyt.

Psalmyn 92:13

Ver ad magh neesht ny smoo dy vess ayns nyn shenn eash: as bee ad roauyr as jeeaghyn dy mie.

Noo Ean 14:3

As my hem’s dy yannoo aarloo ynnyd er nyn son, hig-ym reesht, as goym shiu hym pene, raad ta mish dy vod shiuish ve myrgeddin.

Noo Ean 17:24

Ayr, ta mee geearree adsyn t’ou er chur dou dy ve mârym raad ta mee; dy vod ad fakin my ghloyr t’ou er chur dou: son t’ou er ve graihagh orrym’s roish my row yn seihll er ny chroo.

Hebrewnee 12:22

Agh ta shiuish er jeet gys cronk Sion, as gys ard-valley yn Jee bio, yn Jerusalem flaunyssagh, as gys sheshaght erskyn earroo dy ainleyn.

Ashlish 14:1

As yeeagh mee, as cur-my-ner, hass Eayn er cronk Sion, as mârish shiaght-feed as kiare thousaneyn, lesh ennym e Ayrey scruit ayns glaare nyn eddinyn.