Psalmyn 149:4 - Yn Vible Casherick 1775 1819

⁴ Son ta taitnys ec y Chiarn ayns e phobble: as t’eh cooney lhieusyn ta jeh cree imlee.

Lioar ny Psalmyn 1765 (Pointed)

⁴ Son ta taitnys ec y Chiarn ayns e phobble: as t’eh cooney lhieusyn ta jeh cree imlee.

Psalmyn 149:4 ပူးပေါင်းရင်းမြစ်များ

Psalmyn 117:2

Son ta e chenjallys vyghinagh dy kinjagh ny smoo as ny smoo er ny hoilshaghey orrin: as ta firrinys y Chiarn farraghtyn son dy bragh. Moylley-jee yn Chiarn.

Psalmyn 132:16

Nee’m yn beaghey eck y vannaghey lesh bishagh: as nee’m ny boghtyn eck y yannoo magh lesh arran.

Psalmyn 147:11

Agh ta taitnys ec y Chiarn ayndoosyn ta goaill aggle roish: as ta coyrt nyn dreishteil ayns e vyghin.

Psalmyn 22:8

Hreisht eh ayns Jee, dy jinnagh eh eshyn y livrey: lhig da eh y livrey, my ta taitnys echey ayn.

Psalmyn 35:27

Lhig dauesyn ve gennal as goaill boggey ta er cheu my ghellal yeeragh: dy jarroo lhig daue dy kinjagh gra, Bannit dy row yn Chiarn, ta goaill taitnys ayns maynrys e harvaant.

Psalmyn 90:17

As dy row Ard-ooashley gloyroil y Chiarn yn Jee ain orrin: bishee uss obbyr nyn laueyn orrin, O bishee uss ny ta shin dy ghoaill ayns laue.

Raaghyn Creeney 11:20

Adsyn ta jeh drogh chree, t’ad dwoaiagh da’n Chiarn: agh lheid as ta jeeragh ayns nyn raad, t’ad boggey da.

Arrane Solomon 1:11

Nee mayd er dty hon chemmallyn airhey lesh taggadyn argid.

Isaiah 61:10

Goyms mooarane boggey ayns y Chiarn, bee my annym gerjoil ayns my Yee: son t’eh er my choamrey lesh ny garmadyn dy haualtys, t’eh er my choodaghey lesh coamrey reeoil dy chairys, myr ta dooinney-poosee soiaghey magh eh-hene lesh coamrey aalin, as myr ta’n ven-phoosee soiaghey magh ee hene lesh e jewellyn.

Jeremiah 32:41

Neem’s eer boggey ’ghoaill harrystoo dy yannoo mie daue, as ver-ym daue cummal shickyr ’sy cheer shoh lesh ooilley my chree, as ooilley my annym.

Zephaniah 3:17

Ta’n Chiarn dty Yee, niartal mayrt: nee eh sauail, gowee eh boggey harryd lesh taitnys; nee eh tannaghtyn ayns e ghraih, bee eh gennal harryd lesh kiaulleeaght.

Hebrewnee 12:10

Son ren adsyn dy feer son earish ghiare shin y smaghtaghey, myr honnick ad eh ymmyrchagh; agh eshyn son foays dooin, dy voddagh shin ve goaill ayrn jeh’n chasherickys echey.

1 Peddyr 3:4

Agh lhig da ve yn dooinney follit ’sy chree, ayns shen nagh jed naardey, dy jarroo yn coamrey dy spyrryd meen as feagh, ta mooar soit jeh ayns shilley Yee.

1 Peddyr 5:5

Myrgeddin shiuish sleih aegey, bee-jee arrymagh da’n chenndeeaght: dy jarroo bee-jee ooilley ayns biallys yn derrey yeh gys y jeh elley, as bee-jee coamrit lesh injillid aigney: son ta Jee soiaghey eh-hene noi’n vooinjer voyrnagh, as t’eh coyrt grayse dauesyn ta imlee.

Ashlish 7:14

As dooyrt mee rish, Ayd’s ta fys, my Hiarn. As dooyrt eh rhym, Shoh adsyn haink ass seaghyn mooar, as t’er niee nyn goamraghyn, as er ghiallaghey ad liorish fuill yn Eayn.