Psalmyn 149:3 - Yn Vible Casherick 1775 1819

³ Lhig daue moylley yn Ennym echey ayns y daunsin: lhig daue arraneyn-moyllee ’ghoaill huggey lesh tabret as y chlaasagh;

Lioar ny Psalmyn 1765 (Pointed)

³ Lhig daue moylley yn Ennym echey ayns y daunsin: lhig daue arraneyn-moyllee ’ghoaill huggey lesh tabret as y chlaasagh;

Psalmyn 149:3 ပူးပေါင်းရင်းမြစ်များ

2 Samuel 6:14

As ren David daunsin fenish y Chiarn lesh ooilley e niart, as va David coamrit lesh ephod aanrit.

2 Samuel 6:16

As myr haink arg y Chiarn stiagh ayns ard-valley Ghavid, yeeagh Michal inneen Saul trooid uinniag, as honnick ee ree David lheimyragh as daunsin fenish y Chiarn, as hoie ee beg jeh ayns e cree.

1 Recortyssyn 16:42

As mâroosyn Heman as Jeduthun lesh trumpetyn as cymballyn son ard-vingys, as lesh greinyn-kiaullee elley dy choyrt moylley da Jee. As va mec Jeduthun ny porteryn.

1 Recortyssyn 25:6

V’ad shoh ooilley fo laue nyn ayr son kiaull ayns thie’n Chiarn, lesh cymballyn, psaltereeyn, as claasaghyn, son shirveish thie Yee, cordail rish order y ree, da Asaph, Jeduthun, as Heman.

2 Recortyssyn 20:28

As haink ad gys Jerusalem lesh psaltereeyn, as claasaghyn, as trumpetyn, gys thie’n Chiarn.

2 Recortyssyn 29:25

As hoie eh ny Leviteyn ayns thie yn Chiarn lesh cymballyn, lesh psaltereeyn, as claasaghyn, cordail rish sarey Ghavid, as Gad ashleyder y ree, as Nathan y phadeyr: son myr shoh va sarey’n Chiarn liorish e adeyryn.

Ezra 3:10

As myr va ny masoonee layal undin chiamble y Chiarn, hass ny saggyrtyn ayns nyn goamraghyn, lesh trumpetyn, as ny Leviteyn mec Asaph lesh cymballyn, dy choyrt moylley da’n Chiarn, lurg oardagh Ghavid ree Israel.

Psalmyn 30:11

Clasht, O Hiarn, as jean myghin orrym: Hiarn, bee uss my er-coonee.

Psalmyn 33:2

Moylley-jee yn Chiarn lesh y chlaasagh: gow-jee arraneyn-moyllee da lesh y lute, as y ghreïe-chiaull dy yeih strengyn.

Psalmyn 81:2

Gow-jee arrane-moyllee, lhieu-jee ayns shoh yn tabret: yn chlaasagh villish, as y lute.

Psalmyn 81:3

Sheid-jee yn cayrn dy ard ec yn eayst-noa: dy jarroo ec y traa ta pointit, as er y laa-feailley casherick ain.

Psalmyn 87:7

Adsyn neesht ta goaill arraneyn-moyllee as jannoo bingys ver eh ’sy choontey: bee ooilley my ushtaghyn geill oor aynyd’s.

Exodus 15:20

As ren y phadeyr Miriam, shuyr Aaron, greïe-chiaull y ghoaill ’sy laue eck; as deiyr ooilley ny mraane urree lesh greinyn-kiaullee, as lesh daunsin.

Jeremiah 31:13

Eisht gowee yn voidyn boggey ’sy daunsin, chammah deiney aegey as y chenndeeaght dy cheilley: son chyndaa-yms yn dobberan oc gys boggey, as nee’m ad y gherjaghey, as dy ghoaill boggey veih nyn drimshey.

Jeremiah 31:4

Nee’m oo y hroggal reesht, as bee oo troggit, O voidyn Israel: bee oo foast soit magh lesh dty ghreinyn-kiaullee, as hed oo magh ayns y daunsin ocsyn ta jannoo gennal.

Briwnyn 11:34

As haink Jephthah gys e hie ec Mizpeh, as cur-my-ner, haink yn inneen echey magh ny whail, lesh greïnyn-kiaullee as daunsin; as v’ee e ynrycan lhiannoo, cha row cloan arragh echey.