Psalmyn 148:8 - Yn Vible Casherick 1775 1819

⁸ Aile as sniaghtey-garroo, sniaghtey meen as kay: geay as sterrym, cooilleeney e ghoo;

Psalmyn Ghavid 1761 (Metrical)

⁸ Aile, sniaght’ as rio, Druight, sterm as geay, Cheet tra t’eh gra Cooilleeney ’ghoo.

Lioar ny Psalmyn 1765 (Pointed)

⁸ Aile as sniaghtey garroo, sniaghtey meen as keay: geay as sterrym, cooilleeney e ghoo;

Psalmyn 148:8 ပူးပေါင်းရင်းမြစ်များ

Genesis 19:24

Eisht gheayrt y Chiarn er Sodom as er Gomorrah brimstone as aile veih’n Chiarn ass niau.

Lioar Yob 37:12

As te er ny hyndaa mygeayrt ec e harey; daue dy chooilleeney cre-erbee t’eh dy oardagh daue er feaï-ny-cruinney.

Psalmyn 103:20

O bannee-jee yn Chiarn, shiuish e ainleyn, shiuish ta pooaral ayns niart: shiuish ta cooilleeney e harey, as ta geaishtagh rish coraa e ghoan.

Psalmyn 18:12

Ec sollyssid e enish ren e vodjallyn scughey: claghyn-sniaghtee, as smarageyn d’aile.

Exodus 10:13

As ren Moses e lorg y heeyney magh harrish cheer Egypt, as hug y Chiarn lesh geay-niar er y cheer fey-ny-laa, as fud-ny-hoie shen; as tra va’n moghrey er jeet rish, hug y gheay-niar lesh ny locustyn.

Exodus 10:19

As hyndaa yn Chiarn yn gheay mygeayrt gys y neear, feer lajer as niartal, ren sheebey ersooyl ny locustyn, as ad y cheau ayns yn Aarkey Jiarg: cha row un locust faagit ayns ooilley ardjyn Egypt.

Exodus 14:21

As heeyn Moses magh e laue erskyn yn aarkey; as hug y Chiarn er yn aarkey dy hraie, lesh geay niartal veih’n niar fud-ny-hoie shen, as haink y thalloo chirrym rish, as va ny ushtaghyn er nyn scarrey veih-my-cheilley.

Isaiah 66:16

Son liorish aile as y chliwe nee yn Chiarn pleadeil rish dy chooilley eill: as bee merriu yn Chiarn ymmodee.

Joel 2:30

As soilshee-ym yindyssyn ayns yn aer, as er y thalloo, fuill, as aile, as torcan jaagh.

Leviticus 10:2

As hie aile magh veih’n Chiarn ren ad y stroie, as hooar ad baase kiongoyrt rish y Chiarn.

Amos 4:13

Son cur-my-ner, eshyn ta cummey ny sleityn, as croo yn gheay, as soilshaghey da dooinney, cre ta e smooinaght, ta jannoo yn moghrey dorraghys, as shooyl er ard-ynnydyn y thallooin, yn Chiarn, Jee ny flaunyssee, yn ennym echey.

Amos 7:4

Shoh myr ta’n Chiarn Jee er hoilshaghey dooys, as cur-my-ner ta’n Chiarn Jee er chur eam dy cherraghey lesh aile, as stroie eh yn diunid vooar, as hug eh naardey ayrn [jeh’n thalloo].

Jonah 1:4

Agh hug y Chiarn magh geay vooar er yn aarkey, as va sterrym dorrinagh ayns y cheayn, myr shen dy row yn lhong ayns gaue brishey.

Jonah 1:5

Eisht va aggle er ny marrinee, as deïe ad dagh dooinney gys e yee, as hilg ad magh yn chooid v’er boayrd ’sy cheayn, dy eddrymaghey yn lhong: agh va Jonah ersooyl sheese ’sy chabbane, as lhie eh, as v’eh trome ny chadley.

Earrooyn 16:35

As haink aile magh veih’n Chiarn, as losht eh seose yn daa cheead as jeih deiney as da-eed va chebbal incense.

Joshua 10:11

As haink eh gy-kione, myr v’ad chea roish Israel, as goll sheese lesh Beth-horon, dy ren y Chiarn claghyn mooarey y hilgey neose orroo veih niau derrey Azekah, as varr eh ad: va ny smoo stroit lesh ny claghyn-sniaghtee ny va lesh cliwe cloan Israel.

Ashlish 16:21

As huitt er deiney claghyn-sniaghtee mooar garroo veih niau, dy chooilley chlagh mysh trimmid talent: as ren deiney Jee y oltooaney er coontey kerraghey’n sniaghtey-garroo; son va’n chragh ren eh erskyn-towse trome.