Psalmyn 148:13 - Yn Vible Casherick 1775 1819

¹³ Troggee eshyn seose dy ard niart e phobble; nee ooilley e nooghyn eshyn y voylley: dy feer cloan Israel, dy jarroo yn pobble ta dy hirveish eh.

Psalmyn Ghavid 1761 (Metrical)

¹³ Lhig da’n slane chroo cordail Dy hoiagh seose e ghoo; E ennym smoo gloyroil Ta toilchin moylley voue. King foddey’n theihll Ta bial da, E ghloyr dy bra T’erskyn dagh reill.

Lioar ny Psalmyn 1765 (Pointed)

¹³ Troggee eshyn seose dy ard niart e phobble; nee ooilley e nooghyn eshyn y voylley: dy-feer cloan Israel, dy-jarroo yn pobble ta dy hirveish eh.

Psalmyn 148:13 ပူးပေါင်းရင်းမြစ်များ

1 Recortyssyn 29:11

Lhiat’s, O Hiarn, ta’n vooadys, as y phooar, as y ghloyr, as y varriaght, as yn ooashley: son lhiat’s ta dy chooilley nhee ayns niau as er y thalloo: lhiat’s y reeriaght, O Hiarn, as uss ta erskyn-earroo ard harrish ooilley.

Psalmyn 108:4

Son ta dty vyghin ny syrjey na ny niaughyn: as ta dty ynrickys roshtyn gys ny bodjallyn.

Psalmyn 113:4

Ta’n Chiarn ard erskyn dy chooilley ashoon: as ta e ghloyr erskyn ny niaughyn.

Psalmyn 150:6

Lhig da dy chooilley nhee ta ennal ayn: moylley ’choyrt da’n Chiarn.

Psalmyn 57:6

Soie oo hene seose, O Yee, erskyn ny niaughyn: as dty ghloyr erskyn ooilley’n seihll.

Psalmyn 72:19

As bannit dy row ennym yn Ard-ooashley echey son dy bragh: as bee ooilley yn seihll er ny lhieeney lesh e Ard-ooashley. Amen, Amen.

Psalmyn 8:1

O Hiarn nyn Giannoort, cre cha ooasle ta dt’Ennym trooid ooilley’n theihll: uss ta er hoiaghey dty ghloyr erskyn ny niaughyn!

Psalmyn 8:2

Magh ass eer beïll oikanyn as cloan er y cheeagh t’ou er n’oardaghey niart, kyndagh rish dty noidyn: dy voddagh oo yn noid, as yn eulyssagh y chastey.

Psalmyn 8:9

O Hiarn nyn Giannoort: cre cha ooasle ta dt’Ennym ayns ooilley yn seihll!

Psalmyn 99:9

O cur-jee ard-voylley da’n Chiarn yn Jee ain, as jean-jee eshyn y ooashlaghey er e chronk casherick: son ta’n Chiarn yn Jee ain casherick.

Arrane Solomon 5:16

Ta e veeal miljid hene: dy feer t’eh ooilley-cooidjagh aalin. She shoh my ghraih, as lheid shoh my charrey, O inneenyn Yerusalem.

Arrane Solomon 5:9

Cre t’ayns dty ghraih erskyn graih erbee elley, O uss s’aalin ta mastey mraane? vel dty ghraih’s wheesh shen share na dy chooilley ghraih elley, dy vel oo cur lheid y currym orrin?

Isaiah 12:4

As ayns y laa shen nee shiu gra, Moylley-jee yn Chiarn, eïe-jee er e ennym, fockle-jee magh e yannoo mastey’n pobble, jean-jee gimraa er e ennym lesh ard-voylley,

Isaiah 33:5

Ta’n Chiarn er ny yrjaghey; son t’eh cummal ayns yn yrjid: t’eh er lhieeney Zion lesh briwnys as ynrickys.

Isaiah 6:3

As deïe yn derrey yeh gys y jeh elley, gra, Casherick, casherick, casherick ta Chiarn ny flaunyssee; ta’n slane seihll lane jeh e ghloyr.

Zechariah 9:17

Son cre wheesh as ta e vieys, as cre wheesh as ta e aalid! nee arroo ny deiney aegey y yannoo gennal, as feeyn noa ny mraane aegey.

Noo Mian 6:13

As ny leeid shin ayns miolagh, agh livrey shin veih olk: Son lhiat’s y reeriaght, as y phooar, as y ghloyr, son dy bragh, Amen.

Ephesianee 4:10

Eshyn hie sheese, eh yn fer cheddin hie seose foddey erskyn ny niaughyn, dy voddagh eh lhieeney dy chooilley nhee)

Philippianee 3:8

As dy firrinagh, cha vel mee coontey dy chooilley nhee agh coayl, son y tushtey smoo ooasle jeh Creest Yeesey my Hiarn: er y hon ta mee er hurranse coayl dy chooilley nhee, as cha vel mee soiaghey jeu agh myr eoylley, dy voddym Creest y chosney,

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard-reillyn, as pooaraghyn er nyn injillaghey.