Psalmyn 148:12 - Yn Vible Casherick 1775 1819

¹² Deiney aegey as moidynyn, shenn gheiney as paitchyn, moylley-jee Ennym y Chiarn: son ta’n Ennym echeysyn ny-lomarcan ooasle, as e ghloyr erskyn niau as thalloo.

Psalmyn Ghavid 1761 (Metrical)

¹² Dy wooiys Jee, Lhig aeg as shenn Dooinney as ben Cur chengey’s cree.

Lioar ny Psalmyn 1765 (Pointed)

¹² Deiney aegey as moidynyn, shenn gheiney as paitchyn, moylley-jee Ennym y Chiarn: son ta’n Ennym echeysyn ny-lomarcan ooasle, as e ghloyr er-skyn niau as thalloo.

Psalmyn 148:12 ပူးပေါင်းရင်းမြစ်များ

Psalmyn 68:25

T’adsyn ta goaill arraneyn shooyl hoshiaght, adsyn ta jannoo bingys er greïnyn-kiaull cheet nyn yeï: ayns y vean ta ny mraane-aegey cloie er ny timbrelyn.

Psalmyn 8:2

Magh ass eer beïll oikanyn as cloan er y cheeagh t’ou er n’oardaghey niart, kyndagh rish dty noidyn: dy voddagh oo yn noid, as yn eulyssagh y chastey.

Jeremiah 31:13

Eisht gowee yn voidyn boggey ’sy daunsin, chammah deiney aegey as y chenndeeaght dy cheilley: son chyndaa-yms yn dobberan oc gys boggey, as nee’m ad y gherjaghey, as dy ghoaill boggey veih nyn drimshey.

Zechariah 9:17

Son cre wheesh as ta e vieys, as cre wheesh as ta e aalid! nee arroo ny deiney aegey y yannoo gennal, as feeyn noa ny mraane aegey.

Noo Luke 19:37

As tra v’eh er jeet er-gerrey, eer ec goll sheese cronk ny oliveyn, ghow yn slane sheshaght jeh e eiyrtyssee toshiaght dy ghoaill boggey, as dy chur moylley da Jee lesh ard-choraa, son ooilley ny obbraghyn mirrilagh v’ad er n’akin,