Psalmyn 146:9 - Yn Vible Casherick 1775 1819

⁹ Ta’n Chiarn coadey yn joarree, t’eh shassoo ayns lieh yn lhiannoo gyn ayr, as y ven-treoghe: agh son raad ny mee-chrauee, t’eh dy hilgey eh bun-ry-skyn.

Lioar ny Psalmyn 1765 (Pointed)

⁹ Ta’n Chiarn coadey yn joarree, t’eh shassoo ayns lieh yn lhiannoo gyn ayr, as y ven-treoghe: agh son raad ny mee-chrauee, t’eh dy hilgey eh bun-ry-skyn.

Psalmyn 146:9 ပူးပေါင်းရင်းမြစ်များ

2 Samuel 15:31

As ve inshit da David, gra, Ta Ahitophel mastey dty noidyn marish Absalom. As dooyrt David, O Hiarn, ta mee guee ort, chyndaa coyrle Ahitophel gys ommijys.

2 Samuel 17:23

As tra honnick Ahitophel nagh ghow ad y choyrle echeysyn, yeelt eh e assyl, as hrog eh er, as hie eh thie gys e ard-valley hene, as ren eh e hymney, as hrogh eh eh-hene, as hooar eh baase, as v’eh oanluckit ayns oaie e ayrey.

Esther 5:14

Eisht dooyrt Zeresh e ven, as ooilley e chaarjyn rish, Lhig da criy ve troggit jeih cubityn as da-eed er yrjid, as mairagh loayr uss rish y ree, son Mordecai dy ve croghit er: eisht immee uss dy gennal marish y ree gys y yien. As by-laik lesh Haman y choyrle shoh, as doardee eh criy dy ve jeant.

Esther 7:10

Myr shen hrogh ad Haman er y chriy, v’eh er chiarail son Mordecai. Eisht va jymmoose y ree er ny veeinaghey.

Esther 9:25

Agh tra haink Esther fenish y ree, doardee eh liorish screeunyn, dy beagh yn olk v’eh er chiarail noi ny Hewnyn chyndaït er e chione hene, as dy beagh eh-hene as e vec croghit er y chriy.

Psalmyn 10:14

Cre’n-fa yinnagh y dooinney olkyssagh loayrt dy mollaghtagh noi Jee: choud as t’eh gra ayns e chree, Cha vel aggle orrym, s’cummey lhiat’s, O Yee, er y hon.

Psalmyn 145:20

Ta’n Chiarn coadey adsyn ooilley ta graihagh er: agh skeayley dy lhean ooilley ny mee-chrauee.

Psalmyn 147:6

Ta’n Chiarn soiaghey seose yn vooinjer imlee: as coyrt sheese ny mee-chrauee kiart rish y thalloo.

Psalmyn 18:26

Dasyn ta glen nee oo soilshaghey oo hene glen: as noi’n roonagh soilshee oo dty roon.

Psalmyn 68:5

Eshyn ayr yn chloan gyn ayr, ta fendeil cooish ny mraane-treoghe: dy jarroo Jee ayns e ynnyd-vaghee casherick.

Raaghyn Creeney 15:25

Stroie-ys y Chiarn thie ny mooaralee: agh nee eh niartaghey cagliagh y ven-treoghe.

Raaghyn Creeney 4:19

Ta raad ny mee-chrauee myr y dorraghys; cha nhione daue cre roish t’ad dy snapperal.

Jeremiah 49:11

Faag dooys dty chloan gyn ayr, freill-yms ad bio: as lhig da dty vraane-treoghe treishteil aynym’s.

Hosea 14:3

Cha jean Ashur sauail shin, cha jean mayd markiaght er cabbil, chamoo jir mayd arragh rish obbyr ny laueyn ain hene, Shiuish ny jeeghyn ain: son aynyd’s ta’n chloan gyn ayr geddyn myghin.

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

1 Corinthianee 3:19

Son ta creenaght y theihll shoh ommijys marish Jee: son te scruit, T’eh goaill yn vooinjer chreeney ayns y chroutys oc hene.

Deuteronomy 16:11

As nee oo boggey ’ghoaill kiongoyrt rish y Chiarn dty Yee, uss, as dty vac, as dty inneen, as dty er-mooinjerey, ad dty inney-veyl, as y Levite t’er cheu-sthie jeh dty yiattyn, as y joarree, as y lhiannoo gyn ayr, as y ven-treoghe ta ny mast’ eu, ’syn ynnyd nee’n Chiarn dty Yee y reih dy choyrt e ennym ayn.

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane-treoghe ayns nyn seaghyn, as dy reayll eh hene glen veih broïd y theihll.