Psalmyn 146:7 - Yn Vible Casherick 1775 1819

⁷ Ta’n Chiarn coyrt feaysley da ny pryssoonee: ta’n Chiarn coyrt soilshey da ny doail.

Psalmyn Ghavid 1761 (Metrical)

^7-9 Yn boght cha lhig eh ve gyn cour, Tra huittys eh ayns feme; Ny accryssee t’eh jannoo magh, As clashtyn rish nyn eam. Yn joarree as yn chloan gyn-ayr, Ta ard-chiarailys Yee; Dy veaghey lesh y palchey smoo Yn traa t’ad huggey roie. Trimshey’n ven-treoghe tra t’ee ayns feme Ta Jee coyrt tastey da; Agh raaidyn olk mee-viallee, T’eh bun-ry-skyn chyndaa.

Lioar ny Psalmyn 1765 (Pointed)

⁷ Ta’n Chiarn coyrt feaysley da ny pryssoonee: ta’n Chiarn coyrt soilshey da ny doail.

Psalmyn 146:7 ပူးပေါင်းရင်းမြစ်များ

Psalmyn 10:18

Ta’n Chiarn ny Ree son dy bragh as dy bragh: as ta ny ashoonyn er jerraghtyn ass y cheer.

Psalmyn 103:6

Ta’n Chiarn cooilleeney cairys as briwnys: er nyn son ocsyn ooilley ta tranlaasit lesh aggair.

Psalmyn 12:5

Nish er graih seaghyn vee-gherjoil ny ymmyrchee: as er son osnaghyn tromey ny boghtyn;

Psalmyn 136:25

Ta coyrt beaghey da dy chooilley eill: son ta e vyghin farraghtyn son dy bragh.

Psalmyn 142:7

Cur geill da m’accan: son dy injil ta mee er duittym.

Psalmyn 35:10

Nee ooilley my chraueyn gra, Hiarn, quoi ta casley rhyt’s, ta livrey yn boght veihsyn ta ro hrean da: dy jarroo yn boght, as eshyn ta ayns treihys, veihsyn ta dy spooilley eh?

Psalmyn 68:6

Eshyn y Jee ta cur er deiney dy ve jeh un aigney ayns thie, as ta cur lesh ny pryssoonee magh ass cappeeys: agh lhiggey da ny wagaantee tannaghtyn ayns genney.

Psalmyn 68:7

O Yee, tra hie uss magh roish y pobble: tra hie oo roue trooid yn aasagh,

Psalmyn 72:4

Freillee eh yn vooinjer ôney ayns nyn gair: cloan y voght nee eh y endeil, as ny tranlaasee y cherraghey.

Psalmyn 9:16

Ta fys ain dy vel y Chiarn cooilleeney briwnys: ta’n mee-chrauee er ny chassey ayns obbyr e laueyn hene.

Isaiah 61:1

Ta Spyrryd y Chiarn Jee orrym; er-yn-oyr dy vel y Chiarn er m’ooilaghey dy phreacheil naightyn mie da ny imlee: t’eh er my choyrt dy lheihys ny creeaghyn brisht, dy ockley magh reamys da ny cappee, as fosley’n phryssoon da ny geuleydee;

Isaiah 9:4

Son t’ou er vrishey yn whing trome echey, as lorg e gheaylin, slatt e hranlaasagh, myr ayns laa Vidian.

Jeremiah 31:14

As nee’m annym ny saggyrtyn y yannoo magh lesh sonnys, as bee my phobble er ny lhieeney lesh my vieys, ta’n Chiarn dy ghra.

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

Noo Luke 1:53

T’eh er lhieeney ny accryssee lesh reddyn mie, as ny berchee t’eh er chur follym ersooyl.

Noo Luke 4:18

Ta spyrryd y Chiarn orrym’s, er-y-fa dy vel eh er my ooilaghey dy phreacheil y sushtal gys ny boghtyn, t’eh er my choyrt dy laanaghey yn vooinjer hrome-chreeagh, dy phreacheil livrey-ys gys ny cappeeyn, dy chur soilshey da ny doail, as reamys dauesyn ta broojit,

Noo Luke 9:17

As ren ad ooilley gee, as v’ad er nyn yannoo magh: as hrog ad jeh’n fooilliagh daag ad, lane daa vaskad jeig.

Jannoo 16:26

As ayns y tullogh va craa mooar thallooin ayn, myr shen dy row undinyn y phryssoon er nyn graa: as chelleeragh va ooilley ny dorryssyn er nyn vosley, as geulaghyn dy chooilley unnane er nyn veaysley.

Jannoo 5:19

Agh doshil ainle y Chiarn dorryssyn y phryssoon ayns yn oie, as hug eh lesh ad magh, as dooyrt eh,