Psalmyn 146:4 - Yn Vible Casherick 1775 1819

⁴ Bannit t’eshyn ta Jee Yacob echey son e chooney: as e hreishteil t’ayns y Chiarn e Yee;

Psalmyn Ghavid 1761 (Metrical)

⁴ Spooilt jeh nyn ennal t’ad goll mow, T’ad tuittym reesht ayns joan; Ayns loauys eajee coayl nyn mree, Nyn niart as stayd ec kione.

Lioar ny Psalmyn 1765 (Pointed)

⁴ Bannit t’eshyn ta Jee Yacob echey son e chooney: as e hreishteil t’ayns y Chiarn e Yee;

Psalmyn 146:4 ပူးပေါင်းရင်းမြစ်များ

Genesis 2:7

As ren y Chiarn Jee dooinney y chroo ass joan ny hooirey, as heid eh ayns ny stroanyn echey ennal y vea; as haink dooinney dy ve ny annym bio.

Genesis 3:19

Ayns ollish dty vaaish nee oo gee dty arran, derrey chyndaa-ys oo gys yn ooir: son ass shen v’ou er dty ghoaill: son joan oo, as gys joan nee oo reesht chyndaa.

Genesis 6:17

As cur-my-ner, ver-yms lhiam son shickyrys thooilley dy ushtaghyn er y thalloo dy stroie dy chooilley eill, ayn ta’n ennal y vea, fo’n aer: as yiow dy chooilley nhee t’er y thalloo baase.

Lioar Yob 14:10

Agh ta dooinney geddyn baase, as lheïe ersooyl; dy feer, ta dooinney paartail, as c’raad t’eh?

Lioar Yob 14:21

Ta ny mec echey er ny hroggal gys ooashley, as te gyn-yss da; as t’ad tuittym ayns boghtynid, agh cha vel ennaghtyn echey jeh.

Lioar Yob 17:1

Ta my ennal failleil, ta my laghyn baarit, ta ny oaiaghyn aarloo er my hon.

Lioar Yob 17:11

Ta my laghyn er n’immeeaght, ta my yerkallyn er ny vrishey, eer smooinaghtyn my chree.

Lioar Yob 27:3

Choud as ta my ennal aynym, as spyrryd Yee cheu-sthie jee’m;

Psalmyn 104:29

Tra t’ou follaghey dt’eddin, t’ad seaghnit: tra t’ou goaill ersooyl yn ennal oc, t’ad geddyn baase, as t’ad chyndaït reesht gys nyn ooir;

Psalmyn 33:10

Ta’n Chiarn coyrt bun-ry-skyn coyrle ny ashoonyn: as cur er saaseyn croutagh y phobble dy ve gyn-ymmyd, as cur shaghrynys er coyrleyn ny princeyn.

Psalmyn 90:3

T’ou chyndaa dooinney gys toyrt-mow: reesht t’ou gra, Tar-jee reesht, shiuish chloan gheiney:

Ecclesiastes 12:7

Eisht nee’n joan chyndaa reesht gys yn ooir, myr ve; as nee’n spyrryd chyndaa reesht gys Jee veih haink eh.

Ecclesiastes 9:6

Myrgeddin nyn ghraih, nyn myskid, as nyn droo, ta nish er herraghtyn; chamoo ta nhee erbee sodjey oc dy yannoo ayns cooish erbee fo’n ghrian.

Isaiah 2:22

Ny treisht-jee ayns dooinney, ta e ennal ayns e stroanyn; son cre ayns ta soiaghey dy ve jeant jeh?

Dobberan 4:20

Va ree ooilit y Chiarn, ennal nyn mioys, goit ayns ny ribbaghyn oc, my-e-chione dooyrt shin, Nee mayd cummal fo yn scadoo echey mastey ny ashoonyn.

Daniel 5:23

Agh t’ou er n’irree-magh noi Chiarn ny flaunyssee, as t’ad er choyrt lhieu siyn [casherick] e hiamble kiongoyrt rhyt, as t’ou uss, as dty hiarnyn, as dty vraane, as dty cho-lhiabbee er n’iu feeyn assdoo: as t’ou er choyrt moylley da ny jeeghyn-jalloo dy argid, as airh, dy phrash, yiarn, fuygh as clagh, nagh vel fakin, ny clashtyn, ny toiggal: as y Jee shen, ayns y laue echey ta dty ennal, as ’syn enish echeysyn ta ooilley dty raaidyn, cha vel oo er ghloyraghey.

1 Corinthianee 2:6

Agh ta shinyn loayrt creenaght nyn mast’ ocsyn ta slane ynsit, ny-yeih cha nee creenaght y theihll shoh, ny jeh princeyn y theihll ta lheïe ersooyl: