Psalmyn 146:10 - Yn Vible Casherick 1775 1819

¹⁰ Bee yn Chiarn dty Yee, O Sion, ny Ree er son dy bragh: as trooid magh dy chooilley heeloghe.

Psalmyn Ghavid 1761 (Metrical)

^10-12 Ta’n ooilley-niartal Chiarn ny ree, Dy bragh ayns Sion reïll; Veih eash dy eash ta ’phooar goll magh As roshtyn er y theihll.

Lioar ny Psalmyn 1765 (Pointed)

¹⁰ Bee yn Chiarn dty Yee, O Sion, ny Ree er son dy-bragh: as trooid magh dy-chooilley heeloghe.

Psalmyn 146:10 ပူးပေါင်းရင်းမြစ်များ

Psalmyn 10:16

Dy vod oo goaill y chooish ayns dty laue hene: ta’n boght coyrt e varrant hood’s; son uss yn fer-coonee ocsyn ta gyn caarjyn.

Psalmyn 145:13

Ta’n reeriaght ayd’s reeriaght dy bragh farraghtyn: as ta dty ard-reill er-mayrn trooid dy chooilley heeloghe.

Psalmyn 147:12

Cur moylley da’n Chiarn, O Yerusalem: cur moylley da dty Yee, O Sion;

Exodus 15:18

Nee’n Chiarn reill son dy bragh as dy bragh.

Isaiah 12:6

Eïe magh, as yllee, uss chummaltagh Zion: son s’mooar ta’n Fer-casherick dy Israel cheu-sthie jeed.

Isaiah 40:9

O Zion, ta coyrt lhiat naightyn mie, immee seose er y chronk ard; O Yerusalem, ta coyrt lhiat naightyn mie, trog seose dty choraa lesh niart; trog seose eh, ny bee aggle ort: abbyr rish ard-valjyn Yudah, Cur-jee my-ner yn Jee eu.

Isaiah 52:7

Cre cha aalin er ny sleityn ta ny cassyn echeysyn ta coyrt lesh naightyn bannee [yn tushtal], ta preacheil shee, ta coyrt lesh naightyn eunyssagh dy nheeghyn mie, ta fockley-magh saualtys, ta gra rish Zion, Ta dty Yee reill!

Isaiah 9:7

Er mooadys e reill as e hee cha bee jerrey, er stoyl-reeoil Ghavid, as er e reeriaght, dy oardrail eh, as dy niartaghey eh lesh briwnys as cairys, veih’n traa shoh magh eer son dy bragh. Graih jeean Chiarn ny flaunyssee nee shoh y chooilleeney.

Daniel 2:44

As rish lhing ny reeaghyn shoh, nee Jee ny flaunys soiaghey seose reeriaght, nagh bee dy bragh er ny stroie: as cha bee yn reeriaght faagit da pobble elley, agh brishee eh ayns peeshyn, as ver eh mow ooilley ny reeriaghtyn shoh, as nee eh shassoo son dy bragh.

Daniel 6:26

Ta mish jannoo slattys ayns dy chooilley rheam jeh my reeriaght, dy bee deiney er-creau, as ayns aggle, roish Jee Ghaniel: son eshyn y Jee bio, as firrinagh son dy bragh, as e reeriaght, shen nagh bee er ny stroie, as e reiltys dy bragh farraghtyn.

Daniel 7:14

As va er ny choyrt da reiltys, as gloyr, as reeriaght, dy jinnagh dy chooilley phobble, ashoonyn, as glaraghyn eshyn y hirveish: ta e reiltys reiltys dy bragh farraghtyn, nagh jean cherraghtyn, as e reeriaght shen nagh bee er ny stroie.

Joel 3:17

Myr shen bee fys eu, dy nee mish y Chiarn yn Jee eu, ta cummal ayns Zion, my lieau’s casherick: eisht bee Jerusalem casherick, as cha jed joarreeyn arragh ny hrooid.

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.