Psalmyn 145:9 - Yn Vible Casherick 1775 1819

⁹ Ta’n Chiarn dooie da dy chooilley ghooinney: as ta e vyghin harrish ooilley e obbraghyn.

Psalmyn Ghavid 1761 (Metrical)

⁹ Dty vyghin veigh dy bragh er skyn Eer obbraghyn dty laue.

Lioar ny Psalmyn 1765 (Pointed)

⁹ Ta’n Chiarn dooie da dy-chooilley ghooinney: as ta e vyghin harrish ooilley e obbraghyn.

Psalmyn 145:9 ပူးပေါင်းရင်းမြစ်များ

Genesis 9:10

As rish dagh cretoor bio ta mêriu, jeh ny eeanlee, jeh yn ollagh, as jeh ooilley beiyn y thallooin mêriu, veih ooilley ny ta goll magh ass yn arg, gys ooilley beiyn y thallooin.

Psalmyn 104:27

T’ad shoh ooilley farkiaght ort: dy vod oo beaghey y chur daue ayns imbagh cooie.

Psalmyn 25:8

Adsyn ta imlee nee eh leeideil ayns briwnys: as dauesyn ta meen, ynsee eh e raad.

Psalmyn 86:5

Son t’ou uss, Hiarn, mie as graysoil: as jeh myghin vooar dauesyn ooilley ta geamagh ort.

Jonah 4:11

As nagh lhisin’s sparail Nineveh yn ard-valley mooar shen, ayn ta ny smoo na shey-feed thousane persoon, nagh vel fys oc er nyn laue yesh shaghey nyn laue chiare, as myrgeddin ymmodee maase?

Nahum 1:7

Ta’n Chiarn dooie, fendeilagh lajer ayns y laa seaghnagh, as shione da adsyn ta treishteil aynsyn.

Noo Mian 5:45

Dy vod shiu ve cloan nyn Ayr t’ayns niau, son t’eshyn cur er e ghrian girree er mie as sie, as cur fliaghey neose er y vooinjer chairagh as neu-chairagh.

Jannoo 14:17

Ny-yeih cha daag eh eh-hene fegooish feanish, ayns dy ren eh mie, as dy dug eh dooin fliaghey veih niau, as imbaghyn messoil, lhieeney ny creeaghyn ain lesh beaghey as gennallys.

Jannoo 17:25

Chamoo t’eh er ny ooashlaghey lesh laueyn deiney, myr dy beagh eh feme nhee erbee, fakin dy vel eh coyrt da ooilley bioys, as ennal, as dy chooilley nhee;