Psalmyn 145:6 - Yn Vible Casherick 1775 1819

⁶ Myr shen dy jean sleih loayrt jeh niart dt’obbraghyn yindyssagh: as neem’s myrgeddin fockley magh dty phooar ooilley-niartal.

Psalmyn Ghavid 1761 (Metrical)

⁶ Ooashley dty ghloyr ta soilshit magh Ayns firrinys dty ghoan.

Lioar ny Psalmyn 1765 (Pointed)

⁶ Myr shen dy jean sleih loayrt jeh niart dt’obbraghyn yindyssagh: as nee’ms myrgeddin fockley magh dty vooadys.

Psalmyn 145:6 ပူးပေါင်းရင်းမြစ်များ

1 Recortyssyn 29:11

Lhiat’s, O Hiarn, ta’n vooadys, as y phooar, as y ghloyr, as y varriaght, as yn ooashley: son lhiat’s ta dy chooilley nhee ayns niau as er y thalloo: lhiat’s y reeriaght, O Hiarn, as uss ta erskyn-earroo ard harrish ooilley.

Ezra 1:2

Myr shoh ta Cyrus ree Phersia dy ghra, Ta’n Chiarn Jee t’ayns niau, er choyrt dooys ooilley reeriaghtyn ny ashoonyn shoh, as er choyrt currym orrym dy hroggal thie da ec Jerusalem, t’ayns Judah.

Psalmyn 113:3

Ta Ennym y Chiarn er ny voylley: veih irree gys lhie ny greïney.

Psalmyn 22:27

Nee ooilley ardjyn y thallooin cooinaghtyn orroo hene, as bee ad er nyn jyndaa gys y Chiarn: as ver ooilley kynneeyn ny ashoonyn ooashley kiongoyrt rish.

Psalmyn 22:31

Nee my luight’s eshyn y hirveish: bee ad goit stiagh son sheeloghe da’n Chiarn.

Psalmyn 66:3

Son nee ooilley yn seihll ooashley ’chur dhyt: goaill arrane jeed, as moylley dt’Ennym.

Jeremiah 50:28

Yn coraa ocsyn ta er chosney roue, as er scapail veih cheer Vabylon, dy ockley magh ayns Zion kerraghey voish y Chiarn y Jee ain, yn cooilleen t’eh er ghoaill son e hiamble.

Habakkuk 2:14

Son bee yn thalloo er ny lhieeney lesh tushtey gloyr y Chiarn, myr ta ny ushtaghyn coodaghey diunid ny marrey.

Deuteronomy 32:3

Choud’s ta mee fockley magh ennym y Chiarn: Cur-jee ooashley ard da’n Jee ain.