Psalmyn 144:4 - Yn Vible Casherick 1775 1819

⁴ Cha vel dooinney agh myr red gyn veg: ta e hraa goll shaghey myr y scadoo.

Lioar ny Psalmyn 1765 (Pointed)

⁴ Cha vel dooinney agh myr red gyn veg: ta e hraa goll shiaghey myr y scaadoo.

Psalmyn 144:4 ပူးပေါင်းရင်းမြစ်များ

2 Samuel 14:14

Son shegin dooin ooilley baase gheddyn, as ta shin myr ushtey deayrtit er y thalloo, nagh vod ve troggit reesht: chamoo ta Jee jannoo soiagh jeh persoon erbee; foast t’eh er n’oardaghey saase ’sy leigh, son coyrt lesh thie eshyn ta eiyrit magh veih e heer hene.

1 Recortyssyn 29:15

Son cha vel shin agh joarreeyn kiongoyrt rhyt, as troailtee myr va ooilley nyn ayraghyn; ta nyn laghyn er y thalloo myr scadoo, as cha vel tannaghtyn ayn.

Lioar Yob 4:19

Cre-woad smoo ayndoosyn ta cummal ayns thieyn dy chray, ta’n undin oc ’sy joan, t’er ny vroo myr y lhemeen? T’ad goll naardey veih’n voghrey gys yn astyr: t’ad cherraghtyn son dy bragh, fegooish scansh ve jeant jeh.

Lioar Yob 8:9

(Son cha vel shinyn agh jeh’n laa jea, as cha vel nyn dushtey agh giare, er-yn-oyr nagh vel nyn laghyn er y thalloo agh myr y scadoo:)

Psalmyn 102:11

Ta my laghyn er n’gholl shaghey myr scaa: as ta mee fioghit myr faiyr.

Psalmyn 109:23

Ta my ghlioonyn annoon lesh trostey: ta my eill shymlit son laccal soo.

Psalmyn 39:11

Scugh dty cherraghey voym: ta mee dy jarroo ceaut fo errey hrome dty laue.

Psalmyn 62:9

Er son cloan gheiney, cha vel ad agh fardail: ta cloan gheiney molteyragh er ny meihaghyn, t’ad ooilley-cooidjagh ny s’eddrym na fardalys hene.

Psalmyn 89:47

Quoi’n dooinney ta bio, nagh vaik y baase: as jean eh yn annym echey y livrey veih laue yn oaie?

Ecclesiastes 1:14

Ta mee er vakin ooilley ny obbraghyn ta jeant fo’n ghrian, as cur-my-ner, t’ad ooilley fardail as seaghney cree.

Ecclesiastes 1:2

Fardail dy ardalys ta’n preachoor dy ghra, fardail dy ardalys, ta ooilley fardail.

Ecclesiastes 12:8

Fardail dy ardailyn ta’n preachoor dy ghra; ta dy chooilley nhee fardail.

Ecclesiastes 8:13

Agh cha bee eh dy mie marish y dooinney mee-chrauee, chamoo vees e laghyn beayn, ta myr scadoo; son nagh vel eh tannaghtyn ayns aggle Yee.