Psalmyn 143:8 - Yn Vible Casherick 1775 1819

⁸ O lhig dou clashtyn dty chenjallys-ghraihagh leah ’sy voghrey, son aynyd’s ta my hreishteil: jeeagh dou yn raad ayn lhisin gimmeeaght, son hood’s ta mee troggal seose m’annym.

Psalmyn Ghavid 1761 (Metrical)

^8-9 Dty aigney graihagh soilshee dou, Son ta my varrant ort; Jeeagh dou yn raad ayn lhisin shooyl Hood dy vod m’annym troailt.

Lioar ny Psalmyn 1765 (Pointed)

⁸ O lhig dou clashtyn dty chenjallys-ghraihagh leah ’sy voghrey, son ayn-yds ta my hreishteil: jeeagh dou yn raad ayn lhisin gimmeeaght, son hoods ta mee troggal seose m’annym.

Psalmyn 143:8 ပူးပေါင်းရင်းမြစ်များ

Psalmyn 119:34

Cur dou tushtey, as freill-ym dty leigh: freill-ym eh dy jarroo lesh ooilley my chree.

Psalmyn 119:73

Ta dty laueyn er my chroo as er my chummey: O cur dou tushtey, dy voddym gynsaghey dt’annaghyn.

Psalmyn 143:10

Ynsee dou dy yannoo dt’aigney, son she uss my Yee: lhig da dty Spyrryd graihagh mish y leeideil gys y cheer dy chairys.

Psalmyn 25:20

Lhig da ônid as dellal yeeragh goll mârym: son ta my hreishteil er ny ve aynyd’s.

Psalmyn 27:11

T’ou er ny ve my chemmyrk: ny faag mee, chamoo jean m’y hreigeil, O Yee my haualtys.

Psalmyn 30:5

Son cha vel e chorree farraghtyn agh meekey sooilley, as ayns y foayr echey ta bea: foddee trimshey farraghtyn son oie, agh ta boggey cheet ’sy voghrey.

Psalmyn 32:8

T’ou uss ynnyd dy m’ollaghey ayn, nee uss m’y choadey veih seaghyn: nee oo m’y chombaasal er dy chooilley heu lesh arraneyn-moyllee dy livrey-ys.

Psalmyn 42:8

My Yee, ta m’annym seaghnit cheu-sthie jee’m: shen-y-fa neem’s cooinaghtyn ort’s mychione thalloo Yordan, as cronk beg Hermon.

Psalmyn 46:5

Ta Jee ayns y vean eck, shen-y-fa cha bee ee er ny scughey: nee Jee cooney lh’ee, as shen dy feer voghey.

Psalmyn 5:8

Leeid mee, O Hiarn, ayns dty chairys, kyndagh rish my noidyn: jean dty raad rea roish m’eddin.

Psalmyn 59:16

Er my hon’s, goym arrane jeh dty phooar, as nee’m dty vyghin y voylley dy leah ’sy voghrey: son t’ou uss er ve my choadey as my chemmyrk ayns laa my heaghyn.

Psalmyn 86:4

Gerjee annym dty harvaant: son hood’s, O Hiarn, ta mee troggal seose m’annym.

Psalmyn 90:14

O jean uss shin y yannoo magh lesh dty vyghin, as shen dy leah: myr shen nee mayd boggey ’ghoaill, as bee mayd gennal ooilley laghyn nyn mea.

Isaiah 30:21

As nee dty chleayshyn clashtyn yn goo cheu dty chooylloo, gra, Shoh’n raad, shooyl-jee ayn, tra ta shiu chyndaa gys y laue yesh, as tra ta shiu chyndaa gys y laue chiare.

Isaiah 48:17

Myr shoh ta’n Chiarn dty Er-kionnee gra, Jee casherick Israel; Mish y Chiarn dty Yee ta dty ynsaghey gys dty vondeish hene, ta dty leeideil er y raad ayn lhisagh oo gimmeeaght.

Dobberan 3:41

Lhig dooin troggal seose nyn gree, marish nyn laueyn, gys Jee ayns ny niaughyn.

Hosea 6:3

Eisht bee tushtey ain, my hem mayd er nyn doshiaght ayns ainjys y Chiarn: ta’n goll-magh echey eunyssagh myr aalid y voghrey, as hig eh hooin myr y fliaghey; myr y fliaghey toshiaght as jerrey ny bleeaney er y thalloo.

Briwnyn 13:12

As dooyrt Manoah, Nish lhig da dty ghoan’s ve jeant mie: cre’n aght nee mayd yn lhiannoo y oardrail? as cre ta kiarit da dy yannoo?

1 Samuel 23:12

Eisht dooyrt David, Jean deiney Keilah mish as my gheiney y vrah gys laue Saul? As dooyrt y Chiarn, Nee ad oo y vrah.