Psalmyn 143:5 - Yn Vible Casherick 1775 1819

⁵ Agh foast ta mee cooinaghtyn er y traa t’er n’gholl shaghey; ta mee smooinaghtyn dy dowin er ooilley dty obbraghyn: ta mee dy jarroo baarail mee hene ayns obbraghyn dty laueyn.

Psalmyn Ghavid 1761 (Metrical)

⁵ Smooin-ym er laghyn foddey ceaut, As yindyssyn dty laue; Er cre cha mennick ta dty phooar, Er my livrey ayns gaue.

Lioar ny Psalmyn 1765 (Pointed)

⁵ Agh foast ta mee cooinaghtyn er y traa t’er n’gholl shiaghey; ta mee smooinaghtyn dy-dowin er ooilley dty obbraghyn: ta mee dy-jarroo baarail mee hene ayns obbraghyn dty laueyn.

Psalmyn 143:5 ပူးပေါင်းရင်းမြစ်များ

Genesis 24:63

As hie Isaac magh ’syn astyr gys y vagher, dy choyrt raad da smooinaghtyn crauee: as hrog eh seose e hooillyn, as Cur-my-ner, honnick eh ny camelyn cheet.

Psalmyn 111:4

Ta’n Chiarn myghinagh as graysoil myr shen er n’yannoo e obbraghyn yindyssagh: dy lhisagh ad ve freilt ayns cooinaghtyn.

Psalmyn 42:6

Cre’n-fa t’ou cha lane dy hrimshey, O m’annym: as cre’n-fa t’ou cha seaghnit cheu-sthie jee’m?

Micah 6:5

O my phobble, cooinee-jee nish er y choyrle ghow Balak ree Voab, as cre ren Balaam mac Veor eh y reggyrt voish Shittim gys Gilgal, dy vod shiu toiggal cairys y Chiarn.