Psalmyn 143:10 - Yn Vible Casherick 1775 1819

¹⁰ Ynsee dou dy yannoo dt’aigney, son she uss my Yee: lhig da dty Spyrryd graihagh mish y leeideil gys y cheer dy chairys.

Psalmyn Ghavid 1761 (Metrical)

¹⁰ Uss, uss, my Yee, gys dt’aigney mie, Ynsee dou biallys; Lhig da dty Spyrryd my leeideil Ayns raad ny ynrickys.

Lioar ny Psalmyn 1765 (Pointed)

¹⁰ Ynsee dou dy yannoo dt’aigney, son she uss my Yee: lhig da dty Spyrryd graihagh mish y leeideil gys y cheer dy chairys.

Psalmyn 143:10 ပူးပေါင်းရင်းမြစ်များ

Nehemiah 9:20

Hug oo daue myrgeddin dty spyrryd mie, dy ynsaghey ad, as cha dreill oo dty vanna veih nyn meeal, as hug oo daue ushtey dy chuir nyn baa.

Psalmyn 118:28

She uss my Yee, as ver-ym booise dhyt: uss my Yee, as ver-ym moylley dhyt.

Psalmyn 119:12

Bannit t’ou uss, O Hiarn: O ynsee dou dty lattyssyn.

Psalmyn 119:35

Cur orrym dy immeeaght ayns cassan dt’annaghyn: son shen y raad ta my yeearree.

Psalmyn 139:24

Jeeagh my ta mee ayns raad erbee dy olkys: as leeid mee gys raad yn vea dy bragh farraghtyn.

Psalmyn 140:6

Dooyrt mee rish y Chiarn, She uss my Yee: eaisht rish coraa my phadjeryn, O Hiarn.

Psalmyn 22:1

My Yee, my Yee, jeeagh orrym; cre’n-fa t’ou er my hreigeil: as t’ou choud veih my lhaynt, as veih goan my accan?

Psalmyn 23:3

Nee eh m’annym y hyndaa: as my choyrt lesh magh ayns ny cassanyn dy chairys er graih e Ennym.

Psalmyn 25:12

Bee’n annym echey ec aash: as yiow e luight yn cheer ayns eiraght.

Psalmyn 27:11

T’ou er ny ve my chemmyrk: ny faag mee, chamoo jean m’y hreigeil, O Yee my haualtys.

Psalmyn 31:14

Ta mee dy bollagh er my yarrood, myr dooinney marroo ass cooinaghtyn: ta mee coontit myr saagh brisht.

Psalmyn 63:1

O Yee, uss my Yee: dy moghey nee’m dty hirrey.

Isaiah 29:10

Son ta’n Chiarn er gheayrtey magh erriu yn spyrryd dy chadley dowin, as er yeigh ny sooillyn eu: ny phadeyryn as ny fir-reill eu, ny fakyderyn, t’eh er choodaghey lesh dorraghys.

Isaiah 63:14

Myr ta baagh goll sheese gys y choan, hug Spyrryd y Chiarn fea da; myr shen ren uss dty phobble y leeideil, dy yannoo dhyt hene ennym gloyroil.

Micah 4:2

As hig ymmodee ashoonee, as jir ad, Tar-jee as lhig dooin goll seose gys slieau y Chiarn, as gys thie Jee Yacob, as nee eh gynsaghey shin ayns e raaidyn, as nee mayd shooyl ayns e chesmadyn: as hed yn leigh magh ass Zion, as goo yn Chiarn voish Jerusalem.

Earrooyn 9:22

Ny edyr eh ve daa laa, ny mee, ny bleïn, dy duirree’n bodjal er y chabbane, tannaghtyn er, duirree cloan Israel ayns nyn gabbaneyn, as cha ghow ad jurnah: agh tra ve er droggal, hie ad er nyn doshiaght.

Noo Mian 28:20

Gynsaghey daue dy reayll dy chooilley nhee cre-erbee ta mish er chur ayns sarey diu: as cur-my-ner, ta mish mêriu kinjagh, eer gys jerrey yn theihll. Amen.

Noo Ean 14:26

Agh nee Fer-ny-gherjagh, ta shen, yn Spyrryd Noo, eh nee yn Ayr y choyrt ayns yn ennym aym’s, gynsaghey diu dy chooilley nhee, as tayrnee eh dy chooilley nhee gys nyn gooinaghtyn, cre-erbee ta mish er ghra riu.

Romanee 15:13

Nish dy jean y Jee dy hreishteil shiuish y lhieeney lesh dy chooilley voggey as shee ayns credjal, dy vod shiu bishaghey ayns treishteil trooid pooar y Spyrryd Noo.

Romanee 15:30

Nish ta mee guee erriu, vraaraghyn, er graih nyn Jiarn Yeesey Creest, as er graih’n Spyrryd, dy jean shiu gobbraghey cooidjagh mârym ayns nyn badjeryn gys Jee er my hon’s;

Romanee 5:5

As cha vel treishteil jannoo shin lhag-chreeagh, er-y-fa dy vel graih Yee deayrtit magh ayns nyn greeaghyn, liorish yn Spyrryd Noo t’er ny choyrt dooin.

Romanee 8:2

Son ta leigh Spyrryd y vea, ayns Creest Yeesey, er n’yannoo mee seyr veih leigh peccah as baase.

Romanee 8:26

Ta’n Spyrryd hene myrgeddin niartaghey lesh ny annooinidyn ain: son cha vel fys ain cre ta shin dy ghuee er y hon myr lhisagh shin: agh ta’n Spyrryd cheddin jannoo accan er nyn son lesh osnaghyn nagh vod glare soilshaghey.

Ephesianee 4:30

As ny cur-jee corree er Spyrryd casherick Yee, liorish ta shiu cowrit gys laa yn livrey-ys eu.

Ephesianee 5:9

(Son ta mess y Spyrryd shassoo ayns dy chooilley vieys, as cairys, as firrinys),

2 Timothy 1:7

Son cha vel Jee er choyrt dooin yn spyrryd dy aggle; agh dy phooar, as dy ghraih, as dy chreenaght.

Hebrewnee 13:21

Shiuish y niartaghey ayns dy chooilley obbyr vie dy yannoo e aigney, gobbraghey ayndiu shen ta booisal ayns e hilley, trooid Yeesey Creest; huggey dy row gloyr son dy bragh as dy bragh. Amen.

1 Ean 2:27

Agh ta’n ooilaghey ta shiu er gheddyn veihsyn, tannaghtyn ayndiu: as cha vel feme eu dooinney erbee dy ynsaghey shiu: Agh myr ta’n ooilaghey cheddin gynsaghey shiu mychione dy chooilley nhee, as dy nee’n irriney eh, as cha nee breg: as dy jarroo myr t’eh er n’ynsaghey shiu, nee shiu tannaghtyn aynsyn.