Psalmyn 141:4 - Yn Vible Casherick 1775 1819

⁴ O ny lhig da my chree ve er ny lhoobey gys drogh obbyr erbee: ny lhig dou raad y choyrt dou hene ayns cliaghtaghyn mee-chrauee, mâroosyn ta gobbraghey olk; er-aggle dy goym commee jeh ny t’ad goaill taitnys ayn.

Lioar ny Psalmyn 1765 (Pointed)

⁴ O ny lhig da my chree ve er ny loobey gys drogh obbyr erbee: ny lhig dou raad y choyrt dou hene ayns cliaghtaghyn mee-chrauee, mâroosyn ta gobbraghey olk; er aggle dy goym commee jeh ny t’ad goaill taitnys ayn.

Psalmyn 141:4 ပူးပေါင်းရင်းမြစ်များ

Genesis 27:14

As hie eh roish, as hug eh lesh ad gys e voir: as daarlee e voir bee blaystal, lheid as bynney lesh e ayr.

1 Reeaghyn 13:8

As dooyrt yn dooinney dy Yee rish y ree, My ver oo dou lieh jeh dty hie cha jem stiagh mayrt, chamoo nee’m gee arran ny giu ushtey ’syn ynnyd shoh:

1 Reeaghyn 22:22

As dooyrt y Chiarn rish, Cre’n aght? As dooyrt eh, Hem’s magh, as bee’m my spyrryd breagagh ayns beeal ooilley e adeyryn. As dooyrt eh, Nee oo eh y choyrlaghey, as hig eh lhiat myrgeddin: immee, as jean myr shen.

1 Reeaghyn 8:58

Dy vod eh ginjillaghey nyn greeaghyn huggey, dy hooyl ayns ooilley e raaidyn, as dy reayll e haraghyn, as e lattyssyn, as e vriwnyssyn, hug eh ayns sarey da nyn ayraghyn.

Psalmyn 119:36

Croym my chree gys dty recortyssyn: as cha nee gys saynt.

Psalmyn 28:3

O ny tayrn mee ersooyl, chamoo jean m’y stroie marish ny mee-chrauee as drogh-yantee: ta loayrt dy dooie rish nyn naboo, agh t’ad smooinaghtyn er olkys ayns nyn gree.

Isaiah 63:17

Cre’n-fa t’ou uss, O Hiarn, er lhiggey dooin goll er-shaghryn veih dty raaidyn, as er chreoghey nyn greeaghyn noi dty aggle? Chyndaa reesht er graih dty harvaantyn, sheelogheyn dty eiraght.

Earrooyn 25:2

As ren ad yn pobble y chuirrey gys ourallyn ny jeeghyn oc: as ren y pobble gee, as croymmey sheese gys ny jeeghyn oc.

Noo Mian 6:13

As ny leeid shin ayns miolagh, agh livrey shin veih olk: Son lhiat’s y reeriaght, as y phooar, as y ghloyr, son dy bragh, Amen.

1 Corinthianee 10:31

Shen-y-fa edyr shiu ve gee ny giu, ny cre-erbee ta shiu dy yannoo, jean-jee ooilley gys gloyr Yee.

1 Corinthianee 15:33

Ny bee-jee mollit; ta drogh heshaght cur mow ellyn mie.

2 Corinthianee 6:17

Shen-y-fa tar-jee magh veih nyn mast’ oc, as bee-jee er nyn scarrey voue, ta’n Chiarn dy ghra, as ny benn-jee rish yn red neu-ghlen; as neem’s goaill riu,

Deuteronomy 2:30

Agh dob Sihon ree Heshbon raad dooin dy gholl er nyn doshiaght, son ren y Chiarn dty Yee e chree creoi, as roonagh nyn ’oï, er-chee dy livrey eh gys dty laue, myr te ry-akin jiu.

Deuteronomy 29:4

Ny-yeih, cha vel y Chiarn er choyrt diu cree dy hoiggal, ny sooillyn dy akin, ny cleayshyn dy chlashtyn, gys y laa jiu.

Jamys 1:13

Ny lhig da dooinney erbee gra tra t’eh er ny violaghey, Ta mee miolit liorish Jee: son ta Jee erskyn miolagh gys olk, chamoo t’eh miolaghey dooinney erbee.

Ashlish 18:4

As cheayll mee coraa elley veih niau, gra, Tar-jee magh ass-jee, my phobble, nagh bee shiu sheshaghyn mâree ayns e peccaghyn, as nagh gow shiu ayrn jeh’n kerraghey dewil eck.