Psalmyn 14:2 - Yn Vible Casherick 1775 1819

² T’ad er jeet dy ve feer vee-chrauee, as dwoaiagh ayns nyn yannoo: cha vel unnane erbee ta jannoo dy mie, cha vel unnane.

Lioar ny Psalmyn 1765 (Pointed)

² T’ad er jeet dy ve feer vee-chrauee, as dwoaiagh ayns nyn yannoo: cha vel unnane erbee ta jannoo dy-mie, cha vel unnane.

Psalmyn 14:2 ပူးပေါင်းရင်းမြစ်များ

Genesis 11:5

As haink y Chiarn neose dy chur-my-ner yn ard-valley, as y toor va cloan gheiney dy hroggal.

Genesis 18:21

Hem sheese nish dy akin, vel ad er n’yannoo ooilley-cooidjagh cordail rish yn eam oc t’er roshtyn hym’s; as mannagh vel, bee fys aym er.

Genesis 6:12

As yeeagh Jee er y seihll, as cur-my-ner, v’eh slane peccoil: son va ooilley sheelnaue er n’gholl er-shaghryn veih Jee er y thalloo.

2 Recortyssyn 19:3

Ny-yeih, t’ou er n’yannoo reddyn ennagh dy mie, ayns dy vel oo er ghoaill ersooyl ny jallooyn ass y cheer, as er hoiaghey dty chree, dy eiyrt er Jee.

2 Recortyssyn 30:19

Agh ghow Hezekiah padjer er nyn son, gra, Dy bee’n Chiarn mie myghinagh da dy chooilley unnane ta kiarail ayns ynrickys e chree dy hirrey Jee, yn Chiarn, Jee e ayraghyn, ga nagh vel eh er roshtyn gys slane glennid y leigh.

Lioar Yob 15:14

Cree ta dooinney, eh dy ve glen? ny eshyn t’er ny ruggey jeh ben, dy ve cairagh?

Psalmyn 107:43

Quoi-erbee ta creeney nee ad goaill ny reddyn shoh gys nyn gree: as toiggee ad kenjallys-ghraihagh y Chiarn.

Psalmyn 11:4

Ta’n Chiarn ayns e hiamble casherick: ta stoyl-reeoil y Chiarn ayns niau.

Psalmyn 69:32

Nee shoh myrgeddin yn Chiarn y wooiys: ny share na dow lesh eairkyn as yngnyn.

Psalmyn 82:5

Cha nailliu ’ve ynsit, chamoo nee ad toiggal y ghoaill, agh goll er nyn doshiaght kinjagh ayns dorraghys: ta ooilley undinyn y thallooin ass nyn goorse.

Psalmyn 92:6

Cha vel dooinney neu-chreeney cur tastey mie da shoh: as cha vel ommydan dy hoiggal eh.

Raaghyn Creeney 2:9

Eisht nee oo toiggal cairys, as briwnys, as corrymid: dy jarroo dy chooilley raad mie.

Raaghyn Creeney 8:5

O shiuish gyn tort, gow-jee creenaght: as shiuish vee-cheeayllagh bee-jee jeh cree toiggalagh.

Raaghyn Creeney 9:16

Quoi-erbee ta mee-hushtagh, lhig da chyndaa stiagh ayns shoh: as son eshyn ta giare-cheeayllagh, t’ee gra rish;

Raaghyn Creeney 9:4

Quoi-erbee ta gyn ynsagh, lhig da chyndaa stiagh ayns shoh: er son eshyn ta gyn tushtey, t’ee gra rish;

Isaiah 27:11

Tra ta ny banganyn echey fiojit, bee ad er nyn mrishey jeh: ta ny mraane cheet as cur aile orroo; son she pobble mee-cheeayllagh ad: shen-y-fa eshyn chroo ad, cha jean eh myghin orroo, as eshyn ren ad y chiaddey, cha jeeagh eh veg y foayr daue.

Isaiah 55:6

Shir-jee gys y Chiarn choud’s t’eh ry-gheddyn, eam-jee ersyn choud’s t’eh er-gerrey.

Isaiah 63:15

Jeeagh neose veih niau, as cur-my-ner veih ynnyd dty chasherickys as dty ghloyr: cre vel dty ghraih’s jeean as dty niart, slane erreeish dty chree as dty vyghinyn? vel ad er nyn lhiettal voym?

Isaiah 64:1

O dy jinnagh oo brishey sheese trooid ny niaughyn, dy darragh oo neose, as ny sleityn dy lheïe sheese ec dty enish;

Isaiah 8:19

As tra jir ad riu, Gow-jee coyrle jeusyn ta spyrrydyn faishnee oc, as jeh ny fir-obbee, ta meekeyragh as tassane; nagh lhisagh pobble briaght jeh nyn Yee? cha nee ny bioee jeh ny merriu?

Jeremiah 4:22

Son ta my phobble ommijagh, cha vel ad er chur enney orrym’s; t’ad cloan vee-cheeayllagh, as cha vel veg y toiggal oc: ta keeayll oc dy yannoo olk, agh dy yannoo mie cha vel oc veg y tushtey.

Jeremiah 5:1

Roie-jee noon as noal trooid straïdyn Yerusalem, as jeeagh-jee nish, as shir-jee ayns e ynnydyn smoo taaghit, my oddys shiu dooinney y gheddyn, my ta fer erbee ta coyrt briwnys cairagh, ta shirrey magh yn ynrickys; as neem’s leih jee.

Dobberan 3:50

Derrey nee’n Chiarn jeeaghyn sheese, as cur-my-ner veih niau.

Daniel 12:10

Bee ymmodee er ny ghlenney, as jeant gial, as er ny phrowal; agh ver ny drogh-yantee rish olk; as cha jean veg jeh ny mee-chrauee toiggal, agh bee yn vooinjer chreeney toiggalagh.

Noo Mian 13:15

Son ta cree yn phobble shoh er n’aase roauyr, as ta ny cleayshyn oc moal dy chlashtyn, as ny sooillyn oc t’ad er n’yeigh; er-aggle dy vaikagh ad lesh nyn sooillyn, as dy gluinnagh ad lesh nyn gleayshyn, as dy doiggagh ad lesh nyn gree, as dy beagh ad er nyn jyndaa, as dy jinnin ad y lheihys.

Romanee 3:11

Cha vel fer erbee ta toiggal, cha vel fer erbee ta shirrey lurg Jee.

Hebrewnee 11:6

Agh fegooish credjue te neu-phossible eshyn y wooiys: son eshyn ta cheet gys Jee, shegin da credjal dy vel Jee ayn, as dy vel eh cooilleeney adsyn ta dy imneagh shirrey huggey.