Psalmyn 14:1 - Yn Vible Casherick 1775 1819

¹ Ta’n ommydan er ghra ayns e chree: Cha vel Jee erbee.

Lioar ny Psalmyn 1765 (Pointed)

¹ Ta’n ommydan er ghra ayns e chree: Cha vel Jee erbee.

Psalmyn 14:1 ပူးပေါင်းရင်းမြစ်များ

Genesis 6:5

As honnick Jee dy row mee-chraueeaght dooinney trome er y thalloo, as dy row dy chooilley yeearree jeh smooinaghtyn e chree soit er olk dy kinjagh.

Lioar Yob 15:16

Cre-woad sloo dwoaiagh as neu-ghlen ta dooinney, ta sluggey mee-chairys myr ushtey?

Lioar Yob 22:13

As t’ou uss gra, Cre’n fys t’ec Jee? vod eshyn briwnys trooid y vodjal dorraghey?

Psalmyn 10:4

Ta’n mee-chrauee cha mooaralagh, nagh vel geill echey da Jee: chamoo ta Jee ayns ooilley e smooinaghtyn.

Psalmyn 107:17

Ta deiney ommijagh er nyn gerraghey son nyn ghrogh-yannoo: as kyndagh rish nyn olkys.

Psalmyn 53:1

Ta’n peccagh ommijagh er ghra ayns e chree: Cha vel Jee erbee ayn.

Psalmyn 73:3

As cre’n-oyr? va mee seaghnit er coontey ny mee-chrauee: ta mee myrgeddin fakin drogh ’leih ayns lheid y raah.

Psalmyn 92:6

Cha vel dooinney neu-chreeney cur tastey mie da shoh: as cha vel ommydan dy hoiggal eh.

Raaghyn Creeney 1:22

Caïd, shiuish vee-hushtee ver shiu rish mee-hushtey? as craidoilee goaill taitnys ayns nyn graid, as ny ommydanyn cur feoh da tushtey?

Raaghyn Creeney 1:7

Ta aggle y Chiarn toshiaght tushtey: agh ta ommydanyn soiaghey beg jeh creenaght, as ynsagh.

Raaghyn Creeney 13:19

Ta’n yeearree cooilleenit eunyssagh da’n annym: agh te feohdoil da ny mee-chrauee dy haghney yn olk.

Raaghyn Creeney 27:22

Ga dy jinnagh oo ommydan y vroo ayns mortar, mastey curnaght, lesh pestyl, foast cha jean eh scarrey rish e ommijys.

Ecclesiastes 7:20

Son cha vel dooinney cairal er yn ooir cha mie shen, nagh vel jannoo peccah.

Isaiah 1:4

Ah, ashoon peccoil, pobble laadit lesh olk, sluight dy ghrogh-yantee, cloan stroialtagh! t’ad er hreigeil y Chiarn, t’ad er vrasnaghey jymmoose fer-casherick Israel, t’ad er hyndaa cooyl rhym.

Jeremiah 5:12

T’ad er chur breg er y Chiarn, as er ghra, Cha nee eh t’ayn, chamoo hig olk orrin, chamoo nee mayd cliwe ny genney y akin:

Jeremiah 6:28

T’ad ooilley nyn ard-vee-viallee, gimmeeaght lesh scammyltyn: t’ad prash as yiarn; t’ad ooilley-cooidjagh shleeuit er olk.

Noo Mian 12:34

O shiuish heeloghe dy ard-nieughyn, kys oddys shiuish ta olk shiu hene, reddyn mie y loayrt? son ass laanid y chree ta’n beeal loayrt.

Noo Mian 15:19

Son magh veih’n chree ta cheet drogh smooinaghtyn, dunverys, brishey-poosey, maarderys, maarlys, feanish foalsey, goan mollaghtagh.

Noo Luke 12:20

Agh dooyrt Jee rish, Uss ommydan, yn oie noght vees dty annym er ny ghoaill voïd: quoi lesh eisht vees yn chooid shen t’ou uss er jaglym?

Ephesianee 2:12

Dy row shiu ec y traa shen fegooish Creest, fegooish cairys gys vondeishyn lught-thie Israel, as joarreeyn da conaantyn y ghialdyn, gyn veg y treishteil, as fegooish Jee ayns y theihll:

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee-viallagh, as noi dy chooilley obbyr vie er nyn greoghey.

Titus 3:3

Son va shin hene myrgeddin keayrt dy row mee-hushtagh, mee-viallagh, ayns marranys, fo reill ymmodee yeearreeyn as eunyssyn peccoil, baghey ayns goanlys as roon, dwoaiagh, as coyrt dwoaie yn derrey yeh da’n jeh elley.

Ashlish 21:8

Agh adsyn ta faitagh, as mee-chredjuagh, as adsyn ta cur rish obbraghyn dwoaiagh, as dunveryn, as maarderee, as fir-obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

1 Samuel 25:25

Ny lhig da my hiarn, ta mee guee ort, cur geill da’n dooinney shoh dy Velial, dy jarroo Nabal: son myr ta’n ennym echey, myr shen t’eh-hene; Nabal yn ennym echey, as ta ommijys mârish: agh mish dty harvaant cha vaik mee dty gheiney aegey, my hiarn, hug oo er y chaghteraght.