Psalmyn 137:7 - Yn Vible Casherick 1775 1819

⁷ Cooinee er cloan Edom, O Hiarn, ayns laa Yerusalem: kys dooyrt ad, Sheese lesh, sheese lesh, corrym rish y thalloo.

Lioar ny Psalmyn 1765 (Pointed)

⁷ Cooinee er cloan Edom, O Hiarn, ayns laa Yerusalem: kys dooyrt ad, Sheese lesh, sheese lesh, corrym rish y thalloo.

Psalmyn 137:7 ပူးပေါင်းရင်းမြစ်များ

Nehemiah 6:14

My Yee smooinee er Tobiah as Sanballat, cordail rish nyn obbraghyn, as er phadeyrys Noadiah, as y chooid elley jeh ny phadeyryn, bailliu m’y agglaghey.

Psalmyn 74:18

T’ou er hoiaghey ooilley cagliaghyn ny hooirey: t’ou er yannoo sourey as geurey.

Exodus 17:14

As dooyrt y Chiarn rish Moses, Scrieu shoh son imraa ayns lioar, as lhig da ve er ny lhaih ayns clashtyn Yoshua; son neem’s dy bollagh stroie ashoon Amalek fo niau.

Ezekiel 35:15

Myr ghow uss boggey er eiraght Israel, son dy row eh follym-faase, myr shen neem’s rhyt’s: bee oo dty hraartys, O lieau Seir, as ooilley Idumea, eer y slane jeh, as bee fys oc, dy nee mish y Chiarn.

Ezekiel 35:2

Vac y dooinney, jean dty eddin y hoiaghey noi slieau Seir, as jean phadeyrys n’oï.

Hosea 7:2

As cha vel ad goaill gys nyn gree, dy vel mish cooinaghtyn er ooilley nyn olkys: nish ta nyn yannoo hene coyrt dy chion roo er dagh cheu, t’ad kiongoyrt rish my eddin.

Amos 1:11

Shoh myr ta’n Chiarn dy ghra, Son three ard-pheccaghyn Edom, as son kiare cha jyndaa-ym ersooyl e cherraghey: er-yn-oyr dy deiyr eh er e vraar lesh y chliwe, as dy hilg eh jeh dy chooilley erreeish, as ren e chorree freaney dy kinjagh, as dreill eh e yymmoose son dy bragh.

Habakkuk 3:13

Hie oo magh son saualtys dty phobble, eer son saualtys dty er-ooilit; t’ou er lhottey kione thie ny mee-chrauee, liorish rassey yn undin gys y chreg lhome. Selah.

1 Samuel 15:2

Myr shoh ta’n Chiarn dy heshaght-flaunyss gra, Cha vel mee er yarrood ny ren Amalek rish Israel, kys lhie eh dy follit er e hon er y raad, myr v’eh cheet seose veih Egypt.