Psalmyn 137:3 - Yn Vible Casherick 1775 1819

³ Son adsyn ren shin y leeideil ayns cappeeys, hir ad orrin arrane, as bingys ayns nyn drimshey: Gow-jee dooinyn unnane dy arraneyn Sion.

Lioar ny Psalmyn 1765 (Pointed)

³ Son adsyn ren shin y leeideil ayns cappeeys, hirr ad orrin arrane, as bingys ayns nyn drimshey: Gow-jee dooin unnane dy arraneyn Sion.

Psalmyn 137:3 ပူးပေါင်းရင်းမြစ်များ

1 Recortyssyn 15:27

As va David er ny choamrey lesh garmad dy aanrit keyl, as ooilley ny Leviteyn va fo’n arg, as ny arranee, as Chenaniah mainshtyr yn arrane, marish ny fir-chiaullee: va er David neesht ephod aanrit.

1 Recortyssyn 16:7

Eisht, er y laa shen ren David toshiaght er y chirveish lesh y psalm shoh, ren eh livrey gys laue Asaph as e vraaraghyn, dy choyrt booise da’n Chiarn.

Nehemiah 4:2

As loayr eh roish e vraaraghyn, as sheshaght-caggee Samaria, as dooyrt eh, Cre ta ny Hewnyn kercheenagh shoh kiarail dy yannoo? vel ad son fendeil ad-hene? jean ad ourallyn y hebbal? der ad kione er yn obbyr ayns laa? vel ad son doostey reesht ny claghyn ta losht, ass ny carnaneyn dy holtanyn losht?

Psalmyn 65:1

T’ou uss, O Yee, er ny voylley ayns Sion: as dhyt’s vees y breearrey er ny chooilleeney ayns Jerusalem.

Psalmyn 79:1

O Yee, ta ny ashoonyn-quaagh er jeet stiagh ayns dt’eiraght: dty hiamble casherick t’ad er yannoo neu-ghlen, as er yannoo Jerusalem carnane dy chlaghyn.

Psalmyn 80:6

T’ou uss er n’yannoo shin eer streeu da nyn naboonyn: as ta nyn noidyn garaghtee orrin gys craid.

Psalmyn 9:14

Dy voddym soilshaghey ooilley dty voylley cheu-sthie jeh giattyn inneen Sion: neem’s boggey ’ghoaill ayns dty haualtys.

Raaghyn Creeney 25:20

Myr eshyn ta goaill ersooyl garmad ayns emshyr feayr, as myr vinegar er nitre; myr shen ta eshyn, ta goaill arraneyn gys cree trimshagh.

Isaiah 35:10

As nee mooinjer seyrit y Chiarn chyndaa reesht, as cheet gys Zion lesh arraneyn, as boggey dy bragh farraghtyn vees er nyn ghing: nee ad cosney boggey as gennallys, agh nee trimshey as osnaghyn chea ersooyl.

Isaiah 51:11

Shen-y-fa chyndaa-ee adsyn reesht ta’n Chiarn er hauail, as hig ad lesh bingys gys Zion; as bee boggey dy bragh beayn er nyn ghing: cosnee ad gennallys as boggey, as nee trimshey as dobberan lheïe ersooyl.

Jeremiah 26:18

Ren Micah yn Morasthite phadeyrys rish lhing Hezekiah ree Yudah, as loayr eh rish ooilley pobble Yudah, gra, Myr shoh ta Chiarn ny sheshaghtyn flaunyssagh dy ghra, Bee Zion traaueit myr magher, as bee Jerusalem jeant ny holtanyn, as yrjid y thie myr ardjyn ny keylley.

Jeremiah 9:11

As neem’s Jerusalem y yannoo ny holtanyn, as ooig dy ghragonyn; as neem’s ard-valjyn Yudah y yannoo ny hraartys, gyn cummaltagh.

Micah 3:12

Shen-y-fa kyndagh riuish bee Zion er ny hraaue myr magher, as hig Jerusalem dy ve carnaneyn, as bee slieau yn chiamble myr ard-aasaghyn ny keylley.

Noo Luke 21:6

Son ny reddyn shoh ta shiu dy akin, hig ny laghyn, tra nagh bee faagit un chlagh er clagh elley nagh bee er ny lhieggal.