Psalmyn 137:1 - Yn Vible Casherick 1775 1819

¹ Liorish awinyn Vabylon hoie shin sheese as cheayn shin: tra ren shin smooinaghtyn ort’s, O Sion.

Lioar ny Psalmyn 1765 (Pointed)

¹ Liorish awinyn Vabylon hoie shin sheese as cheayn shin: tra ren shin smooinaghtyn orts, O Sion.

Psalmyn 137:1 ပူးပေါင်းရင်းမြစ်များ

Ezra 8:21

Eisht ren mee fockley magh laa troshtee ayns shen, ec awin Ahava, dy injillaghey shin hene kiongoyrt rish y Jee ain, dy hirrey veihsyn raad sauchey dooin hene, da nyn gloan veggey, as ooilley nyn gooid.

Ezra 8:31

Eisht hie shin roïn veih awin Ahava, er y nah laa yeig jeh’n chied vee, dy gholl gys Jerusalem; as va laue’n Jee ain harrin, as livrey eh shin veih laue yn noid, as nyn lheid as va ny lhie cooyl-chlea dy follit er y raad.

Nehemiah 2:3

As dooyrt mee rish y ree, Dy row yn ree foddey beayn; kys oddym agh ve trimshagh, choud as ta’n ard-valley, ynnyd oanluckee my ayraghyn, ny lhie follym-faase, as ny giattyn eck stroit lesh aile?

Psalmyn 42:4

Nish tra ta mee smooinaghtyn er shoh, ta mee deayrtey magh my chree rhym pene: son hie mee marish y cheshaght, as hug mee lhiam adsyn mârym stiagh ayns thie Yee:

Isaiah 66:10

Gow-jee boggey marish Jerusalem, as bee-jee gennal mâree, ooilley shiuish ta graihagh urree; gow-jee ard-gherjaghey mâree, ooilley shiuish ta dobberan er e son:

Jeremiah 13:4

Gow yn cryss shen t’ayd, ta mysh dty veeghyn, as trog ort, immee gys Euphrates, as follee eh ayns shen ayns towl fo’n chreg.

Jeremiah 15:17

Cha hoie mee ayns sheshaght ny gannidee, cha row taitnys aym ayndoo; chum mee orrym pene, fo dty laue’s orrym: son t’ou er my lhieeney lesh dty yymmoose.

Jeremiah 51:13

O uss ta cummal er ymmodee ushtaghyn, sonnyssagh ayns berchys, ta dty yerrey er jeet, as towse dty haynt.

Jeremiah 8:19

Cur-my-ner, coraa accan inneen my phobble, kyndagh roosyn ta cummal ayns cheer foddey. Nagh vel y Chiarn ayns Zion? nagh vel y ree ecksh aynjee? cre’n-fa eisht t’ad er my vrasnaghey gys corree lesh nyn yallooyn grainnit, as lesh fardalyssyn joarree?

Dobberan 1:16

Son ny oyryn shoh ta my hrimshey, ta my hooill, ta my hooill roie lesh ushtey, son dy vel gerjeyder m’annym foddey voym: my chloan’s ta treigit er-y-fa dy vel y noid er ghoaill niart orrym.

Dobberan 2:18

Lesh nyn gree deïe ad gys y Chiarn, O voalley inneen Zion, lhig da jeïr roie sheese myr thooilley, laa as oie: ny cur aash dhyt hene, chamoo lhig fea da clagh dty hooilley.

Dobberan 3:48

Ta my hooill roie sheese lesh strooanyn ushtey, kyndagh rish toyrt-mow inneen my phobble.

Dobberan 3:51

Ta my hooill seaghney my chree, son ooilley inneenyn my ard-valley.

Ezekiel 1:1

Nish haink eh gy-kione ayns y jeihoo vleïn as feed, ayns y chiarroo vee, er y wheiggoo laa jeh’n vee, (myr va mee mastey ny cappeeyn, liorish awin Chebar) dy row ny niaughyn foshlit, as honnick mee ashlishyn Yee.

Ezekiel 1:3

Haink goo yn Chiarn dy foshlit gys Ezekiel yn ard-saggyrt, mac Vuzi, ayns cheer ny Caldeanee, liorish awin Chebar, as shen y raad va laue yn Chiarn ersyn.

Ezekiel 3:15

Eisht haink mee gys cloan y chappeeys ec Tel-abib, va cummal liorish awin Chebar, as hoie mee raad v’adsyn ny hoie, as ren mee tannaghtyn ayns shen my host ny mast’ oc shiaght laa.

Daniel 9:3

As hrog mish my eddin gys y Chiarn Jee, dy yeearree liorish padjer as accanyn, lesh trostey as aanrit-sack, as leoie.

Noo Luke 19:41

As tra v’eh er jeet er-gerrey, yeeagh eh er yn ard-valley, as cheayn eh harrish.

Ashlish 11:3

As ver-yms pooar da my ghaa eanish, as nee ad phadeyrys thousane daa cheead as three-feed laa coamrit ayns aanrit-sack.