Psalmyn 136:16 - Yn Vible Casherick 1775 1819

¹⁶ Ren e phobble hene y leeideil trooid yn aasagh: son ta e vyghin farraghtyn son dy bragh.

Lioar ny Psalmyn 1765 (Pointed)

¹⁶ Ren e phobble hene y leeideil trooid yn aasagh: son ta e vyghin farraghtyn son dy-bragh.

Psalmyn 136:16 ပူးပေါင်းရင်းမြစ်များ

Nehemiah 9:12

Ren oo ad neesht y leeideil ’sy laa liorish pillar bodjallagh; as ayns yn oie lesh pillar dy aile, dy choyrt soilshey daue er y raad v’ad dy ghoaill.

Nehemiah 9:19

Foast, cha ren uss ayns ymmodee dty vyghinyn ad y hreigeil ’syn aasagh; cha ren pillar y vodjal troggal voue ’sy laa, dy leeideil ad er y raad, ny’n pillar dy aile ’syn oie, dy chur daue soilshey, as dy gholl er nyn doshiaght.

Psalmyn 77:20

Ren oo dty phobble y leeideil myr kirree: liorish laueyn Voses as Aaron.

Exodus 13:18

Agh ren Jee yn pobble y leeideil mygeayrt, liorish raad faasagh yn Aarkey Jiarg. As hie cloan Israel magh ass cheer Egypt ayns order-caggee.

Exodus 15:22

Myr shoh hug Moses lesh Israel veih’n Aarkey Jiarg, as ad y leeideil stiagh gys faasagh Shur, as ren ad troailt three laa ’syn aasagh, as cha dooar ad ushtey.

Isaiah 49:10

Cha bee ad accryssagh ny paagh; chamoo nee chiass loshtee yn ghrian skielley daue: son eshyn ta chymmoil orroo nee ad y leeideil, eer gys ny farraneyn ushtey ver eh lesh ad.

Deuteronomy 11:5

As cre ren eh riu hene ayns yn aasagh, derrey haink shiu gys yn ynnyd shoh,

Deuteronomy 8:15

Ren dty leeideil trooid yn aasagh mooar agglagh shen, ayn va ard-nieughyn ailagh, as scorpionee, as fowan-loshtee, raad nagh row ushtey; hug lesh ushtey magh dhyt ass y chreg flint;

Deuteronomy 8:2

As nee oo cooinaghtyn er ooilley’n raad ren y Chiarn dty Yee dty leeideil, rish y da-eed bleïn shoh ’syn aasagh, dy dty injillaghey, as dy dty phrowal, dy hoilshaghey cre v’ayns dty chree, bailt’s e annaghyn y reayll, mannagh bailt.