Psalmyn 135:7 - Yn Vible Casherick 1775 1819

⁷ T’eh cur magh ny bodjallyn veih ardjyn sodjey magh y theihll: as cur magh ny tendreilyn-taarnee lesh y fliaghey, tayrn ny geayghyn magh ass e hashtaghyn.

Lioar ny Psalmyn 1765 (Pointed)

⁷ T’eh cur magh ny bodjallyn veih ardjyn sodjey magh y theihll: as cur magh ny tendeilyn-taarnee lesh y fliaghey, tayrn ny geayghyn magh ass e hashtaghyn.

Psalmyn 135:7 ပူးပေါင်းရင်းမြစ်များ

1 Reeaghyn 18:1

As haink eh gy-kione lurg ymmodee laghyn, dy daink goo’n Chiarn gys Elijah ’sy trass vleïn, gra, Immee as jeeagh oo-hene da Ahab; as ver-yms fliaghey er y thalloo.

Lioar Yob 5:10

Ta cur fliaghey er y thalloo, as deayrtey ushtey er ny magheryn:

Psalmyn 107:25

Son ec e ockle ta’n gheay stermagh girree: ta troggal seose ny tonnyn echey.

Psalmyn 148:8

Aile as sniaghtey-garroo, sniaghtey meen as kay: geay as sterrym, cooilleeney e ghoo;

Psalmyn 78:26

Myr shen ren dooinney bee ainleyn y ee: son hug eh daue beaghey dy liooar.

Jeremiah 10:13

Tra t’eh cur magh e choraa ayns taarnagh, ta weight ushtey ’syn aer, as t’eh cur er y kay dy hroggal veih ardjyn sodjey magh yn ooir; t’eh lhiggey magh ny tendreilyn lesh y fliaghey, as cur magh yn gheay ass e hashtaghyn.

Jeremiah 14:22

Vel fer erbee mastey fardalyssyn ny ashoonee oddys fliaghey y choyrt? ny vod ny niaughyn jeu hene jannoo frassyn? Nagh nee uss eh, O Hiarn nyn Yee? shen-y-fa nee mayd farkiaght ort; son she uss t’er n’yannoo ooilley ny reddyn shoh.

Jeremiah 51:16

Tra t’eh cur magh e choraa, ta’n aer laadit lesh ushtey, as t’eh cur er kay troggal veih ardjyn sodjey magh y thallooin; t’eh cur magh tendreilyn lesh fliaghey, as lhiggey magh yn gheay ass e hashtaghyn.

Jonah 1:4

Agh hug y Chiarn magh geay vooar er yn aarkey, as va sterrym dorrinagh ayns y cheayn, myr shen dy row yn lhong ayns gaue brishey.

Zechariah 10:1

Guee-jee gys y Chiarn son fliaghey ayns traa fliaghey s’jerree ny bleeaney, myr shen nee yn Chiarn bodjallyn sollys, as ver eh daue frassyn fliaghee, da dagh unnane faiyr ayns e vagher.

Noo Ean 3:8

Ta’n gheay sheidey raad saillee, as t’ou clashtyn y sheean eck, agh cha s’ayd cre voish t’ee cheet, ny cre’n raad t’ee goll: myr shen ta dy chooilley unnane t’er ny ruggey jeh’n Spyrryd.