Psalmyn 135:5 - Yn Vible Casherick 1775 1819

⁵ Son ta fys aym dy vel y Chiarn mooar: as dy vel y Chiarn ainyn erskyn dy chooilley yee.

Lioar ny Psalmyn 1765 (Pointed)

⁵ Son ta fys aym dy vel y Chiarn mooar: as dy vel y Chiarn ainyn er-skyn dy-chooilley yee.

Psalmyn 135:5 ပူးပေါင်းရင်းမြစ်များ

Psalmyn 147:5

S’mooar ta’n Chiarn ainyn, as s’mooar ta e phooar: dy jarroo, ta e chreenaght erskyn earroo.

Psalmyn 48:1

Mooar ta’n Chiarn, as dy ard dy v’er ny voylley: ayns ard-valley yn Jee ain, dy jarroo er e chronk chasherick.

Psalmyn 89:6

Son quoi eh erskyn ny bodjallyn: vees er ny hoylaghey rish y Chiarn?

Psalmyn 95:3

Son ta’n Chiarn ny Yee mooar: as ny Ree mooar erskyn dy chooilley Yee.

Psalmyn 97:9

Son t’ou uss, Hiarn, ny syrjey na adsyn ooilley t’er y thalloo: t’ou er dty hoiaghey seose foddey erskyn dy chooilley Yee.

Isaiah 40:22

Eshyn eh ta soie er combaase y theihll, as ta ny cummaltee echey myr lheimeyderyn-faiyr; ta sheeyney magh ny niaughyn myr curtan, as skeayley magh ad myr cabbane dy chummal ayn;

Isaiah 40:25

Quoi rish eisht nee shiu m’y hoylaghey? ny quoi rish nee shiu m’y chormal? ta’n Jee casherick dy ghra.

Daniel 3:29

Shen-y-fa ta mish jannoo slattys, Dy chooilley phobble, ashoon, as glare, loayrys nhee erbee noi Jee Shadrach, Meshach as Abed-nego, dy bee ad er ny yiarey ayns peeshyn, as ny thieyn oc jeant ny horran, er-yn-oyr nagh vel Jee erbee elley oddys livrey er yn aght shoh.

Deuteronomy 10:17

Son ta’n Chiarn y Jee eu Jee dy yeeghyn, as Chiarn dy hiarnyn, Jee pooaral, niartal, as atchimagh, nagh vel jannoo soiagh jeh persoonyn, ny goaill leagh.