Psalmyn 135:14 - Yn Vible Casherick 1775 1819

¹⁴ Son gowee yn Chiarn cooilleeney son e phobble: as bee eh graysoil da e harvaantyn.

Lioar ny Psalmyn 1765 (Pointed)

¹⁴ Son gow-ee yn Chiarn cooilleeney son e phobble: as bee eh graysoil da e harvaantyn.

Psalmyn 135:14 ပူးပေါင်းရင်းမြစ်များ

1 Recortyssyn 21:15

As hug Jee e ainle gys Jerusalem dy stroie eh; as myr v’eh stroie, chur y Chiarn my-ner, as ghow eh chymmey jeh’n stayd treih oc, as dooyrt eh rish yn ainle va stroie, S’lioar eh, tayrn back dty laue. As hass ainle y Chiarn liorish laare-vooie Ornan yn Jebusite.

Psalmyn 50:4

Nee eh geamagh er ny niaughyn veih’n yrjid: as er y theihll, dy vod eh briwnys e phobble.

Psalmyn 7:8

Nee’n Chiarn yn pobble y vriwnys; cur briwnys lhiam, O Hiarn: lurg my ynrickys, as cordail rish y neu-loghtynid t’aynym.

Psalmyn 90:13

Chyndaa uss reesht, O Hiarn, ec y jerrey: as bee graysoil da dty harvaantyn.

Psalmyn 96:13

Son t’eh cheet, t’eh cheet dy vriwnys y thalloo: as lesh cairys dy vriwnys y seihll, as y pobble lesh e ynrickys.

Amos 7:3

Er shoh va’n Chiarn myghinagh; Cha bee eh myr shen, dooyrt y Chiarn.

Amos 7:6

Er shoh va’n Chiarn reesht myghinagh. Chamoo hig shoh erriu, ta’n Chiarn Jee dy ghra.

Jonah 4:2

As ghow eh padjer gys y Chiarn, as dooyrt eh, Guee-ym ort, O Hiarn, nagh nee shoh va my raa, choud as va mee foast ayns my heer hene? shen-y-fa chossyn mee roym [dy gholl] gys Tarshish: son va fys aym dy vel oo Jee graysoil as myghinagh, moal gys corree, as jeh kenjallys vooar, as meiygh-chreeagh ayns kerraghey.

Deuteronomy 32:36

Son nee’n Chiarn briwnys e phobble, as bee chymmey echey er e harvaantyn; tra hee eh dy vel y phooar oc er n’immeeaght, as nagh vel veg y chooney faagit nyn gour.

Briwnyn 10:16

As hug ad ersooyl ny jeeghyn joarree veih nyn mast’, as hirveish ad yn Chiarn; as va e chree er ny veiyghaghey son seaghyn Israel.