Psalmyn 133:2 - Yn Vible Casherick 1775 1819

² Te goll-rish yn ooil millish er y chione, roie sheese er yn aasaag: dy jarroo er faasaag Aaron, as ren shilley sheese gys rumbyllyn e choamrey.

Lioar ny Psalmyn 1765 (Pointed)

² Te goll-rish yn ooïll millish er y chione, roih sheese er yn aasaag: dy-jarroo er phaasaag Aaron, as ren shilley sheese gys rumbyllyn e choamrey.

Psalmyn 133:2 ပူးပေါင်းရင်းမြစ်များ

Leviticus 8:12

As gheayrt eh jeh’n ooil casherick er kione Aaron, as ren eh eshyn y ooilaghey, dy chasherickey eh.

Exodus 29:7

As nee oo goaill yn ooil casherick, as y gheayrtey eh er e chione, as ooilaghey eh.

Raaghyn Creeney 27:9

Ta ooil spiceit, as soar millish, ooraghey yn chree: myr shen ta dooinney er ny gherjaghey liorish coyrle dooie e charrey.

Exodus 39:24

As hug ad er chemmallyn y choamrey pomegranateyn dy ghorrym, dy phurple, as scarleod, as sheeidey.

Noo Ean 12:3

Eisht ghow Moirrey punt dy ooil dy spikenard feer chostal, as ren ee cassyn Yeesey y ooilaghey, as rub ee e chassyn lesh e folt: as va’n thie er ny lhieeney lesh soar yn ooil.

Arrane Solomon 1:3

Son blass dty ooilyn miljey, ta dty ennym myr ooil er ny gheayrtey; shen-y-fa ta ny moidynyn ayns graih rhyt.

Psalmyn 141:5

Ny sleaie lhig da deiney mie m’y cherraghey ayns aigney-mie: as oghsan y choyrt dou.

Exodus 28:33

As cheu-heese, er y chemmal, ver oo pomegranateyn, gorrym, as purple, as scarleod, mygeayrt y chemmal echey: as cluig veggey dy airh eddyr ad ooilley mygeayrt.

Exodus 30:35

As nee oo perfume y yannoo jeh, aarlit lurg aght y phothecary, er ny hempreil cooidjagh, glen as casherick.