Psalmyn 132:9 - Yn Vible Casherick 1775 1819

⁹ Lhig da dty haggyrtyn ’ve coamrit lesh cairys: as lhig da dty nooghyn kiaulleeaght ’yannoo lesh boggey.

Lioar ny Psalmyn 1765 (Pointed)

⁹ Lhig da dty haggyrtyn ’ve coamrit lesh cairys: as lhig da dty nooghyn kiaulleeaght ’yannoo lesh boggey.

Psalmyn 132:9 ပူးပေါင်းရင်းမြစ်များ

2 Recortyssyn 6:41

Nish er-y-fa shen, trog ort, O Hiarn Yee, gys thie dty chummal hene, uss as arg dty niart: lhig da dty haggyrtyn, O Hiarn Yee, ve coamrit lesh saualtys, as lhig da dty nooghyn boggey ’ghoaill ayns mieys.

Lioar Yob 29:14

Hug mee cairys moom, as ve my choamrey: va my vriwnys myr coamrey ooasle orrym, as myr attey reeoil.

Psalmyn 104:1

Bannee yn Chiarn, O m’annym: O Hiarn my Yee, t’ou erskyn-towse gloyroil, t’ou er ny choamrey lesh Ard-ooashley as onnor.

Psalmyn 132:16

Nee’m yn beaghey eck y vannaghey lesh bishagh: as nee’m ny boghtyn eck y yannoo magh lesh arran.

Psalmyn 149:5

Lhig da ny nooghyn ’ve gennal dy gloyroil: lhig daue boggey ’ghoaill er nyn lhiabbaghyn.

Psalmyn 47:1

O bwoaill-jee nyn massyn cooidjagh, ooilley shiuish phobble: O gow-jee arrane gys Jee lesh y choraa dy vingys.

Psalmyn 68:3

Agh lhig da’n vooinjer chairagh ve gerjoil, as boggey ’ghoaill kiongoyrt rish Jee: lhig daue myrgeddin ve gennal as lane dy voggey.

Psalmyn 70:4

Agh lhig dauesyn ooilley ta dy dty hirrey, ve gennal as boggoil aynyd’s: as lhig dauesyn ta graihagh er dty haualtys, dy kinjagh, gra, Dy row moylley gys y Chiarn.

Psalmyn 93:1

Ta’n Chiarn ny Ree, as er choyrt mysh coamrey gloyroil: ta’n Chiarn er choyrt er e gharmad, as er choamrey eh-hene lesh niart.

Isaiah 61:10

Goyms mooarane boggey ayns y Chiarn, bee my annym gerjoil ayns my Yee: son t’eh er my choamrey lesh ny garmadyn dy haualtys, t’eh er my choodaghey lesh coamrey reeoil dy chairys, myr ta dooinney-poosee soiaghey magh eh-hene lesh coamrey aalin, as myr ta’n ven-phoosee soiaghey magh ee hene lesh e jewellyn.

Isaiah 65:14

Cur-my-ner, gowee my harvaantyn arrane son boggey nyn gree, agh nee shiuish coe son trimshey nyn gree, as dobberan son sproght nyn spyrryd.

Zephaniah 3:14

Gow arrane, O inneen Zion, trog dty choraa, O Israel, bee gennal, as gow boggey lesh ooilley dty chree, O inneen Yerusalem.

Zechariah 9:9

Gow boggey mooar, O inneen Zion: trog seose dty choraa, O inneen Yerusalem: cur-my-ner, ta dty ree cheet hood: t’eh ynrick, ta saualtys echey, t’eh imlee, as markiaght er assyl, as er lhiy sharragh yn assyl.

Romanee 13:14

Agh cur-jee erriu yn Chiarn Yeesey Creest, as ny gow-jee kiarail erbee son yn eill, dy chooilleeney yn taynt eck.

1 Peddyr 5:5

Myrgeddin shiuish sleih aegey, bee-jee arrymagh da’n chenndeeaght: dy jarroo bee-jee ooilley ayns biallys yn derrey yeh gys y jeh elley, as bee-jee coamrit lesh injillid aigney: son ta Jee soiaghey eh-hene noi’n vooinjer voyrnagh, as t’eh coyrt grayse dauesyn ta imlee.

Ashlish 19:8

As jeeish ve lowit dy ve coamrit lesh aanrit keyl, glen as gial: son ta’n aanrit keyl ynrickys ny nooghyn.

Briwnyn 5:31

Shen myr lhig da ooilley dty noidyn cherraghtyn, O Hiarn: agh lhig dauesyn ta graihagh ersyn ve myr y ghrian tra te goll magh ayns e niart. As va’n cheer ec shee son da-eed bleïn.