Psalmyn 132:5 - Yn Vible Casherick 1775 1819

⁵ Derrey yioym magh boayl son chiamble y Chiarn: ynnyd-vaghee son Jee niartal Yacob.

Lioar ny Psalmyn 1765 (Pointed)

⁵ Derrey yioym magh boayll son chiamble y Chiarn: ynnyd-vaghee son Jee niartal Yacob.

Psalmyn 132:5 ပူးပေါင်းရင်းမြစ်များ

2 Samuel 6:17

As hug ad lhieu arg y Chiarn stiagh, as hoie ad eh ayns e ynnyd, ayns mean y chabbane-agglish va David er hroggal er y hon: as heb David ourallyn-losht as ourallyn-shee fenish y Chiarn.

2 Samuel 7:1

As haink eh gy-kione, tra hoie’n ree ec shee ayns e hie, as dy row’n Chiarn er choyrt fea da veih ooilley e noidyn er dy chooilley heu,

1 Reeaghyn 8:17

As ve ayns cree Ghavid my ayr dy hroggal thie son ennym y Chiarn Jee Israel.

1 Reeaghyn 8:27

Agh jean Jee dy jarroo cummal er y thalloo? Cur-my-ner, cha vod niau, as niau dy niaughyn, uss y chummal; cre-woad sloo yn thie shoh ta mish er hroggal?

1 Recortyssyn 15:12

As dooyrt eh roo, Shiuish ard-gheiney ayraghyn ny Leviteyn: jean-jee chammah shiu hene as nyn mraaraghyn y chasherickey, dy vod shiu arg y Chiarn Jee Israel y choyrt lhieu seose, gys yn ynnyd shen, ta mee er chiarail ny chour.

1 Recortyssyn 15:3

As haggil David ooilley Israel cooidjagh gys Jerusalem, dy chur lhieu arg y Chiarn seose gys e ynnyd, v’eh er chiarail er e hon.

1 Recortyssyn 22:7

As dooyrt David rish Solomon, My vac, ve ayns m’aigney’s dy hroggal thie gys ennym y Chiarn my Yee:

1 Recortyssyn 28:2

Eisht hass David y ree seose, as dooyrt eh, Eaisht-jee rhym, my vraaraghyn, as my phobble, Er my hon’s, ve ayns my chree dy hroggal thie dy shickyr son arg conaant y Chiarn, as son stoyl-choshey nyn Yee, as ren mee kiarail ro-laue son yn obbyr:

2 Recortyssyn 2:6

Agh quoi ec ta’n fort dy hroggal thie dasyn, fakin nagh vel niau, as niau ny niaughyn son eshyn y ghoaill? quoi mish eisht, dy ve feeu thie y hroggal da, agh ynrycan dy hebbal oural-losht kiongoyrt rish?

Isaiah 66:1

Myr shoh ta’n Chiarn dy ghra, Ta niau my stoyl-reeoil, as y thalloo stoyl my choshey: c’raad ta’n thie hroggys shiu dooys? as cre raad ta ynnyd y fea aym?

Ephesianee 2:22

Aynsyn ta shiuish myrgeddin troggit son ynnyd-vaghee dy Yee trooid y Spyrryd.