Psalmyn 132:16 - Yn Vible Casherick 1775 1819

¹⁶ Nee’m yn beaghey eck y vannaghey lesh bishagh: as nee’m ny boghtyn eck y yannoo magh lesh arran.

Lioar ny Psalmyn 1765 (Pointed)

¹⁶ Nee’m yn beaghey eck y vannaghey lesh bishagh: as nee’m ny boghtyn eck y yannoo magh lesh arran.

Psalmyn 132:16 ပူးပေါင်းရင်းမြစ်များ

2 Recortyssyn 6:41

Nish er-y-fa shen, trog ort, O Hiarn Yee, gys thie dty chummal hene, uss as arg dty niart: lhig da dty haggyrtyn, O Hiarn Yee, ve coamrit lesh saualtys, as lhig da dty nooghyn boggey ’ghoaill ayns mieys.

Psalmyn 132:9

Lhig da dty haggyrtyn ’ve coamrit lesh cairys: as lhig da dty nooghyn kiaulleeaght ’yannoo lesh boggey.

Psalmyn 140:4

Freill mee, O Hiarn, veih laueyn ny mee-chrauee: jean m’y choadey veih ny tranlaasee, ta kiarit dy my hilgey harrish ayns my raaidyn.

Isaiah 61:10

Goyms mooarane boggey ayns y Chiarn, bee my annym gerjoil ayns my Yee: son t’eh er my choamrey lesh ny garmadyn dy haualtys, t’eh er my choodaghey lesh coamrey reeoil dy chairys, myr ta dooinney-poosee soiaghey magh eh-hene lesh coamrey aalin, as myr ta’n ven-phoosee soiaghey magh ee hene lesh e jewellyn.

Hosea 11:12

Ta Ephraim dy my chruinnaghey mygeayrt lesh breagyn, as thie Israel lesh molteyrys: agh ta Judah foast reill marish Jee, as t’eh ynrick marish ny nooghyn.

Zechariah 9:9

Gow boggey mooar, O inneen Zion: trog seose dty choraa, O inneen Yerusalem: cur-my-ner, ta dty ree cheet hood: t’eh ynrick, ta saualtys echey, t’eh imlee, as markiaght er assyl, as er lhiy sharragh yn assyl.

Noo Ean 16:24

Cha vel shiu foast er hirrey nhee erbee ayns yn ennym aym’s: shir-jee, as yiow shiu, dy vod y boggey eu v’er ny yannoo magh.

Galatianee 3:27

Son whilleen jiuish as t’er ny ve bashtit gys Creest, ta shiu coamrit lesh Creest.