Psalmyn 132:15 - Yn Vible Casherick 1775 1819

¹⁵ Shoh’n raad vee’m ec fea, son dy bragh: ayns shoh nee’m cummal, son ta mee goaill boggey ayn.

Lioar ny Psalmyn 1765 (Pointed)

¹⁵ Shoh’n raad vee’m ec fea son dy-bragh: ayns shoh nee’m cummal, son ta mee goaill boggey ayn.

Psalmyn 132:15 ပူးပေါင်းရင်းမြစ်များ

Psalmyn 107:9

Son t’eh jannoo magh yn annym follym: as lhieeney yn annym accryssagh lesh mieys;

Psalmyn 147:14

T’eh jannoo shee ayns dty ardjyn: as dy dty yannoo magh lesh flooyr curnaght.

Psalmyn 22:26

Nee ny boghtyn gee, as bee ad er nyn yannoo magh: adsyn ta shirrey lurg y Chiarn, moyllee ad eh; bee’n cree eu bio son dy bragh.

Psalmyn 36:8

Bee ad er nyn yannoo magh lesh palchey dty hie: as ver uss daue jough dty eunyssyn myr ass yn awin.

Psalmyn 37:19

Cha bee ad seaghnit ayns yn earish ghaueagh: as ayns ny laghyn dy ghenney bee dy liooar oc.

Psalmyn 37:3

Cur uss dty varrant er y Chiarn, as jean dy mie: jean cummal ayns y cheer, as bee oo dy firrinagh er dty yannoo magh.

Exodus 23:25

As nee shiu shirveish y Chiarn y Jee eu, as ver eh bannaght er dty arran, as er dty ushtey, as neem’s aslayntyn y ghoaill veih nyn mast’ eu.

Isaiah 33:16

Nee eshyn cummal ’syn yrjid: bee troshid ny creggyn cashtal e endeilys, bee arran er ny choyrt da, bee e ushtaghyn shickyr.

Jeremiah 31:14

As nee’m annym ny saggyrtyn y yannoo magh lesh sonnys, as bee my phobble er ny lhieeney lesh my vieys, ta’n Chiarn dy ghra.

Haggai 1:6

Ta shiu er chuirr mooarane, as er chur lhieu stiagh beggan: ta shiu gee, agh cha vel shiu jeant magh: ta shiu giu, agh cha vel shiu er chuir nyn baays: ta shiu coamrey shiu hene, agh cha vel shiu geddyn chiass: as eshyn ta toilliu faill, t’eh toilliu eh dy choyrt eh ayns sporran raipit.

Haggai 1:9

Va shiu jerkal rish mooarane, as cur-jee my-ner, haink beggan jeh; as tra hug shiu lhieu thie eh, heeb mee ersooyl eh. Cre’n-fa? ta Chiarn ny flaunyssee dy ghra. Kyndagh rish my hie’s ta treigit, as dy vel dy chooilley ghooinney jeidjagh mysh e hie hene.

Malachi 2:2

Mannagh jean shiu clashtyn, mannagh gow shiu gys nyn gree eh, dy ghloyraghey my ennym’s, ver-ym eer mollaght erriu, as ver-ym mollaght er ny bannaghtyn eu; lioar, ta mee hannah er chur mollaght orroo, er-yn-oyr nagh vel shiu goaill eh gys nyn gree.

Noo Mian 5:6

Bannit t’adsyn ta accryssagh as paagh lurg yn ynrickys: son bee ad er nyn yannoo magh.

Noo Luke 1:53

T’eh er lhieeney ny accryssee lesh reddyn mie, as ny berchee t’eh er chur follym ersooyl.

Deuteronomy 14:29

As hig y Levite (son nagh vel ayrn ny eiraght echey mayrt) as y joarree, as y lhiannoo gyn ayr, as y ven-treoghe, t’er cheu-sthie jeh dty yiattyn, as nee ad gee, as bee ad jeant magh: dy vod yn Chiarn dty Yee oo y vannaghey ayns dy chooilley obbyr t’ou cur dty laue huggey.