Psalmyn 132:14 - Yn Vible Casherick 1775 1819

¹⁴ Son ta’n Chiarn er ghoaill Sion myr reih dy ve ynnyd-vaghee da hene: t’eh er ghoaill taitnys aynjee.

Lioar ny Psalmyn 1765 (Pointed)

¹⁴ Son ta’n Chiarn er ghoaill Sion myr reih dy ve ynnyd-vaghee da hene: t’eh er ghoaill taitnys ayn-jee.

Psalmyn 132:14 ပူးပေါင်းရင်းမြစ်များ

1 Reeaghyn 8:13

Ta mee son shickyrys er droggal thie dhyt dy chummal ayn, ynnyd shickyr dhyt dy hannaghtyn ayn son dy bragh.

1 Reeaghyn 8:27

Agh jean Jee dy jarroo cummal er y thalloo? Cur-my-ner, cha vod niau, as niau dy niaughyn, uss y chummal; cre-woad sloo yn thie shoh ta mish er hroggal?

1 Reeaghyn 9:3

As dooyrt y Chiarn rish, Ta mee er chlashtyn dty phadjer as dt’accan t’ou er n’yannoo kiongoyrt rhym: ta mee er chasherickey yn thie shoh t’ou er hroggal, dy choyrt my ennym ayn son dy bragh; as bee my hooillyn as my chree ayn dy kinjagh.

1 Recortyssyn 23:25

Son dooyrt David, Ta’n Chiarn Jee Israel er choyrt fea da e phobble, dy vod ad cummal ayns Jerusalem dy kinjagh;

Psalmyn 132:8

Trog ort, O Hiarn, gys ynnyd dt’ea: uss, as arg dty niart.

Psalmyn 135:21

Bannit dy row yn Chiarn veih Sion: ta baghey ec Jerusalem.

Psalmyn 68:16

Cre’n-fa ta shiu lheim myr shen, shiuish chroink ard? shoh cronk Yee, ayn s’gooidsave lesh dy chummal: dy jarroo, nee yn Chiarn tannaghtyn ayn son dy bragh.

Psalmyn 68:18

T’ou er n’gholl seose er yn yrjid, t’ou er leeideil cappeeys ayns bondiaght, as er gheddyn giootyn son deiney: dy jarroo, son dt’eer noidyn, dy voddagh y Chiarn Jee cummal ny mast’ oc.

Psalmyn 76:2

Ec Salem ta e chabbane-agglish: as e chummal ayns Sion.

Psalmyn 87:2

Ta reddyn feer ooasle er nyn loayrt jeed’s: uss ard-valley dy Yee.

Isaiah 11:10

As ayns y laa shen vees fraue jeh Jesse, nee shassoo son cullee da’n pobble: huggey nee ny ashoonee chionney stiagh: as bee yn fea echey gloyroil.

Isaiah 12:6

Eïe magh, as yllee, uss chummaltagh Zion: son s’mooar ta’n Fer-casherick dy Israel cheu-sthie jeed.

Isaiah 57:15

Son shoh myr ta’n Jee smoo ard as ooasle dy ghra, eer eshyn ta cummal ayns beaynid dy bragh farraghtyn, e ennym ta Casherick; Ta mee cummal ’syn ynnyd ard as casherick, mârishyn myrgeddin ta jeh spyrryd imlee arryssagh, dy gherjaghey spyrryd ny imlee, as dy gherjaghey cree ny accryssee.

Isaiah 66:1

Myr shoh ta’n Chiarn dy ghra, Ta niau my stoyl-reeoil, as y thalloo stoyl my choshey: c’raad ta’n thie hroggys shiu dooys? as cre raad ta ynnyd y fea aym?

Isaiah 8:18

Cur-my-ner, ta mish, as my chloan ta’n Chiarn er chur dou, son cowraghyn as yindyssyn ayns Israel: veih Chiarn ny flaunyssee, ta cummal ayns cronk Sion.

Joel 3:21

Son glen-yms yn uill ocsyn, nagh vel mee er ghlenney; son ta’n Chiarn cummal ayns Zion.

Zephaniah 3:17

Ta’n Chiarn dty Yee, niartal mayrt: nee eh sauail, gowee eh boggey harryd lesh taitnys; nee eh tannaghtyn ayns e ghraih, bee eh gennal harryd lesh kiaulleeaght.

Noo Mian 23:21

As quoi-erbee looys liorish y chiamble, t’eh loo liorish y chiamble, as liorishyn ta cummal ayn.

Ephesianee 2:22

Aynsyn ta shiuish myrgeddin troggit son ynnyd-vaghee dy Yee trooid y Spyrryd.

Hebrewnee 12:22

Agh ta shiuish er jeet gys cronk Sion, as gys ard-valley yn Jee bio, yn Jerusalem flaunyssagh, as gys sheshaght erskyn earroo dy ainleyn.

Ashlish 21:23

As cha row yn ard-valley shoh feme yn ghrian, chamoo yn eayst dy cheau soilshey urree: son hug gloyr Yee soilshey jee, as ta’n Eayn yn soilshey eck.