Psalmyn 131:1 - Yn Vible Casherick 1775 1819

¹ Hiarn, cha vel mee ard-aignagh: cha vel aym shilley mooaralagh.

Lioar ny Psalmyn 1765 (Pointed)

¹ Hiarn, cha vel mee ard-aignagh: cha vel aym shilley mooaralagh.

Psalmyn 131:1 ပူးပေါင်းရင်းမြစ်များ

2 Samuel 6:22

As nee’m foast ny sloo na shoh y hoiaghey jee’m pene, as bee’m injil ayns my hooillyn hene: as liorish ny sharvaantyn, lhieu t’ou er my oltooaney, beem’s er my ooashlaghey.

Lioar Yob 42:3

Quoi eh-hene ta goaill er dy hoilshaghey coyrleyn follit? shen-y-fa ta mee er n’ockley magh shen nagh hoig mee; reddyn yindyssagh erskyn my roshtyn, nagh row fys aym orroo.

Psalmyn 101:5

Bee cree camlaagagh er n’eiyrt ass m’enish: cha bee ainjys aym rish drogh phersoon.

Psalmyn 122:1

S’mooar va my voggey tra dooyrt ad rhym: Nee mayd goll gys thie’n Chiarn.

Psalmyn 124:1

Er-be dy row yn Chiarn hene er nyn lieh, foddee Israel nish gra: er-be dy row yn Chiarn hene er nyn lieh, tra dirree sleih seose nyn ’oï;

Psalmyn 133:1

Cur-jee my-ner, cre cha mie as eunyssagh te: vraaraghyn, dy vaghey cooidjagh ayns unnaneys.

Psalmyn 139:6

C’raad eisht nee’m chea veih dty Spyrryd: ny c’raad nee’m cosney veih dt’enish?

Raaghyn Creeney 21:4

Ayns shilley ard, as cree moyrnagh, as eer ayns farrysthie ny mee-chrauee, ta peccah.

Jeremiah 17:16

Er my hon’s, cha row mee ayns siyr dy ghoaill orrym currym y chaghteraght shoh; chamoo ta mee er yeearree son y laa seaghnagh, myr shione dhyt: va shen haink ass my veillyn jeeragh kiongoyrt rhyt’s.

Jeremiah 45:5

As vel uss shirrey vondeishyn er-lheh dhyt hene? ny shir y lheid: son cur-my-ner, ver-yms lhiam olk er dy chooilley eill, ta’n Chiarn dy ghra; agh bee dty vioys lhiggit lhiat raad erbee dy jed oo.

Earrooyn 12:3

(Nish va Moses ny ghooinney feer vannee, erskyn ooilley ny deiney v’er eaghtyr y thallooin.)

Noo Mian 11:29

Gow-jee my whing erriu, as ynsee-jee voym’s, son ta mee meen as imlee ayns cree: as yiow shiu fea da nyn anmeenyn.

Jannoo 20:19

Shirveish y Chiarn lesh dy chooilley injillid aigney, as lesh mooarane jeïr, as seaghyn haink my raad, liorish kialgyn [goanlyssagh] ny Hewnyn:

Romanee 11:33

O diunid y verchys chammah jeh creenaght as tushtey Yee! cre cha follit ta ny briwnyssyn echey, as e raaidyn erskyn nyn roshtyn!

Romanee 12:16

Bee-jee jeh un aigney yn derrey yeh gys y jeh elley. Ny soie-jee nyn aigney er nheeghyn ard, agh croym-jee gys deiney ta injil ayns stayd. Ny bee-jee creeney ayns ny smooinaghtyn eu hene.

Deuteronomy 17:20

Nagh bee e chree troggit seose erskyn e vraaraghyn, as nagh jean ad lhoobey veih sarey’n Chiarn, gys y laue yesh ny gys y laue hoshtal: dy vod e laghyn ve beayn ayns e reeriaght; eh hene, as e chloan ayns mean Israel.

1 Thessalonianee 2:10

Ta shiuish feanishyn, as Jee myrgeddin, cre cha crauee as ynrick, as gyn loght dymmyrk shin shin-hene nyn mast’ euish ta credjal:

1 Samuel 16:13

Eisht ghow Samuel yn eairk dy ooil, as ren eh eh y ooilaghey er-lheh veih e vraaraghyn: as haink Spyrryd y Chiarn er David veih’n laa shen magh. Myr shen dirree Samuel, as hie eh gys Ramah.

1 Samuel 16:18

Eisht dreggyr fer jeh ny sharvaantyn, as dooyrt eh, Cur-my-ner, ta mee er vakin fer jeh mee Jesse yn Beth-lehemite, dy vel eh cloieder schleioil, as dooinney feer dunnal, as dooinney caggee, as tushtagh ayns cooishyn, as persoon stoamey, as ta’n Chiarn mârish.

1 Samuel 16:22

As hug Saul fys gys Jesse, gra, Lhig da David, ta mee guee ort, shassoo kiongoyrt rhym; son t’eh er gheddyn foayr ayns my hilley.

1 Samuel 17:15

Agh hyndaa David veih Saul, dy vochillagh kirree e ayrey ec Beth-lehem.

1 Samuel 18:23

As loayr sharvaantyn Saul ny goan cheddin ayns clashtyn Ghavid. As dooyrt David, Vel shiu jeeaghyn er myr red fardalagh dy ve mac-’sy-leigh da ree, fakin dy vel mish my ghooinney boght, as beg soit jee’m.