Psalmyn 128:2 - Yn Vible Casherick 1775 1819

² Son nee oo gee jeh laboraght dty laueyn: O s’mie t’ou, as s’maynrey vees oo.

Lioar ny Psalmyn 1765 (Pointed)

² Son nee oo gee jeh laboraght dty laueyn: O s’mie t’ow, as s’maynrey vees oo.

Psalmyn 128:2 ပူးပေါင်းရင်းမြစ်များ

Genesis 3:19

Ayns ollish dty vaaish nee oo gee dty arran, derrey chyndaa-ys oo gys yn ooir: son ass shen v’ou er dty ghoaill: son joan oo, as gys joan nee oo reesht chyndaa.

Psalmyn 1:3

As bee eh myr billey soit rish oirr yn ushtey: ver magh e vess ayns imbagh cooie.

Psalmyn 109:11

Cha gow dooinney erbee chymmey jeh: ny erreeish y hoilshaghey da e chloan gyn ayr.

Ecclesiastes 8:12

Ga dy jean peccagh olk keead keayrt, as e laghyn dy ve foddey beayn; foast, son shickyrys ta fys aym, dy bee eh dy mie mâroosyn, ta ayns aggle kiongoyrt rish.

Isaiah 3:10

Abbyr-jee rish y dooinney ynrick, Dy jig eshyn jeh dy mie; son nee ad soylley y ghoaill jeh mess nyn yannoo.

Isaiah 62:8

Ta’n Chiarn er vreearrey liorish e laue yesh, as liorish niart e roih, Shickyr cha der-ym maghey shoh dty arroo dy ve beaghey da dty noidyn; chamoo nee yn chloan yoarree giu yn feeyn ayd’s t’ou er laboragh er y hon:

Isaiah 65:13

Shen-y-fa shoh myr ta’n Chiarn dy ghra, Cur-my-ner, nee my harvaantyn gee, agh bee shiuish accryssagh: cur-my-ner, nee my harvaantyn giu, agh bee shiuish paagh: cur-my-ner, nee my harvaantyn goaill boggey, agh bee shiuish fo nearey:

Jeremiah 22:15

Vel oo smooinaghtyn dy bee dty reill’s foddey beayn er-yn-oyr dy vel oo coodaghey oo hene ayns cedar? Nagh ren dty ayr gee as giu, as nagh ren eh cormal briwnys as cairys, as eisht ve dy mie mârish?

1 Corinthianee 15:58

Shen-y-fa, my chaarjyn graihagh, shass-jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

Ephesianee 6:3

Dy vod eh ve dy mie mayrt, as dy vod oo ve beayn er y thalloo.

Deuteronomy 28:11

As nee’n Chiarn uss y vishaghey ayns cooid, ayns sluight dty chorp, as ayns ingan dty vaase, as ayns mess dty hallooin, ayns y cheer vreear y Chiarn da dty ayraghyn dy choyrt dhyt.

Deuteronomy 28:39

Nee oo garaghyn-feeyney y hoiaghey as lhiasaghey, agh cha jean oo edyr giu jeh’n feeyn, ny’n mess y haglym: son ver ny praddagyn mow ad.

Deuteronomy 28:4

Bannit vees sluight dty chorp, as mess dty hallooin, as ingan dty vaase, as dty ollagh, as dty hioltaneyn keyrragh.

Deuteronomy 28:51

As nee eh gee ingan dty vaase, as mess dty halloo, derrey vees oo stroit: cha vaag eh dhyt arroo, feeyn, ny ooil, ny bishagh dty ollagh, ny dty hioltaneyn keyrragh, derrey t’eh er dty stroie.

Deuteronomy 28:8

Nee’n Chiarn sarey bannaght ort, ayns dty hoaltyn, as ayns ooilley ny t’ou coyrt dty laue huggey: as nee eh dty vannaghey ’sy cheer, ta’n Chiarn dty Yee dy choyrt dhyt.