Psalmyn 125:2 - Yn Vible Casherick 1775 1819

² Myr ta ny croink soit dy cruin mygeayrt Jerusalem: dy jarroo myr shen ta’n Chiarn mygeayrt e phobble, veih’n traa shoh magh er son dy bragh.

Lioar ny Psalmyn 1765 (Pointed)

² Myr ta ny croink soit dy-cruinn mygeayrt Jerusalem: dy-jarroo myr shen ta’n Chiarn mygeayrt e phobble, veih’n traa shoh magh er son dy-bragh.

Psalmyn 125:2 ပူးပေါင်းရင်းမြစ်များ

2 Reeaghyn 6:17

As ghow Elisha padjer, as dooyrt eh, Hiarn, ta mee guee ort, foshil ny sooillyn echey dy vod eh fakin. As doshil y Chiarn sooillyn y dooinney aeg, as honnick eh; as cur-my-ner, va’n slieau lane dy chabbil as dy ainee aile ooilley mygeayrt Elisha.

Psalmyn 121:8

Freillee yn Chiarn dty gholl magh as dty heet stiagh: veih’n traa shoh magh er son dy bragh.

Psalmyn 34:7

Ta ainle y Chiarn freayll arrey mygeayrt-y-moosyn ta goaill aggle roish: as dy livrey ad.

Isaiah 4:5

As er ooilley ynnydyn-vaghee cronk Zion, as er e slane sheshaght, nee’n Chiarn bodjal as jaagh y chiaddey ’sy laa, as soilshean aile sollys ’syn oie: bee coodagh er ooilley yn ghloyr.

Dobberan 4:12

Cha voddagh reeaghyn ny hooirey, ny ooilley cummaltee yn theihll credjal dy darragh y noid stiagh er Jerusalem.

Zechariah 2:5

Son beem’s jeeish, ta’n Chiarn dy ghra, voalley dy aile ooilley mygeayrt, as beem’s yn ghloyr ayns y vean eck.

Deuteronomy 33:27

Ta’n Jee t’er ve er-dy-rieau dty chemmyrk, as ta e roihaghyn dy bragh farraghtyn dy dty ymmyrkey: as eiyree eh magh yn noid kiongoyrt rhyt, as gra, Stroie ad.