Psalmyn 122:4 - Yn Vible Casherick 1775 1819

⁴ Son gys shen ta ny kynneeyn goll seose, dy jarroo kynneeyn y Chiarn: dy ymmyrkey feanish da Israel, dy choyrt booise da ennym y Chiarn.

Psalmyn Ghavid 1761 (Metrical)

⁴ Gys shen, myr tribeyn Israel, Lhig dooin goll seose as guee; Moylley, as gloyr, as booise dy bragh Da’n ooilley-niartal Ree.

Lioar ny Psalmyn 1765 (Pointed)

⁴ Son gys shen ta ny kynneeyn goll seose, dy-jarroo kynneeyn y Chiarn: dy ymmyrkey feanish da Israel, dy choyrt booise da Ennym y Chiarn.

Psalmyn 122:4 ပူးပေါင်းရင်းမြစ်များ

Psalmyn 100:4

Son ta’n Chiarn graysoil, ta e vyghin son dy bragh: as ta’n firrinys echey farraghtyn veih sheeloghe gys sheeloghe.

Psalmyn 118:19

Foshil-jee dooys giattyn y chairys: dy voddym goll stiagh orroo, as booise y choyrt da’n Chiarn.

Psalmyn 132:13

My nee dty chloan freayll my chonaant as my recortyssyn neem’s gynsaghey daue: nee’n chloan ocsyn myrgeddin soie er dty stoyl-reeoil er son dy bragh.

Psalmyn 78:68

Dob eh cabbane-agglish Yoseph: as cha ren eh reih sheeloghe Ephraim;

Psalmyn 81:6

Hug mee aash da ny geayltyn echey veih’n errey: as va ny laueyn echey er nyn livrey veih jannoo ny pooiyt.

Exodus 16:34

Myr doardee yn Chiarn da Moses, myr shen hug Aaron seose eh kiongoyrt rish arg yn eanish, dy ve freilt.

Exodus 23:17

Three keayrtyn ’sy vleïn hig ooilley dty gheiney kiongoyrt rish y Chiarn Jee.

Exodus 32:15

As hyndaa Moses, as hie eh sheese jeh’n chronk, as va daa voayrd yn eanish ayns e laue; va ny buird scruit er dagh cheu; er y derrey heu as er y cheu elley v’ad er nyn scrieu.

Deuteronomy 12:11

Shen y raad vees ynnyd nee yn Chiarn nyn Yee y reih, dy choyrt e ennym ayn, gys shen ver shiu lhieu ooilley ny ta mee dy harey diu, ny ourallyn-losht eu, ny chebballyn, ny jagheenyn, as oural-troggit-seose nyn laue, as y reih jeh dy chooilley vreearrey-arryltagh, ta shiu dy yannoo gys y Chiarn.

Deuteronomy 12:5

Agh gys yn ynnyd, nee’n Chiarn nyn Yee y reih ass ooilley ny tribeyn eu, dy chur e ennym ayn, eer ayns e ynnyd-vaghee hene nee shiu shirrey, as gys shen nee shiu cheet:

Deuteronomy 16:16

Three keayrtyn ’sy vleïn hig ooilley ny fyrrynee ayd kionfenish y Chiarn dty Yee, ’syn ynnyd nee eh reih: er feailley yn arran-millish, er feailley ny shiaghtinyn, as er feailley ny cabbaneyn: as cha jig ad lhome-lauee fenish y Chiarn.