Psalmyn 120:1 - Yn Vible Casherick 1775 1819

¹ Tra va mee ayns seaghyn deïe mee gys y Chiarn: as ren eh m’y chlashtyn.

Lioar ny Psalmyn 1765 (Pointed)

¹ Tra va mee ayns seaghyn deïe mee gys y Chiarn: as ren eh m'y chlashtyn.

Psalmyn 120:1 ပူးပေါင်းရင်းမြစ်များ

Psalmyn 102:2

Ny follee dt’eddin voym ayns earish my heaghyn: croym dty chleayshyn hym tra ta mee geamagh; O eaisht rhym, as shen dy feer leah.

Psalmyn 107:13

Myr shen tra deïe ad gys y Chiarn ayns nyn seaghyn: livrey eh ad ass nyn jennid.

Psalmyn 118:5

Deïe mee er y Chiarn ayns my heaghyn: as hug y Chiarn slane clashtyn dou.

Psalmyn 121:1

Trog-ym seose my hooillyn gys ny croink: vouesyn ta my chooney cheet.

Psalmyn 122:1

S’mooar va my voggey tra dooyrt ad rhym: Nee mayd goll gys thie’n Chiarn.

Psalmyn 123:1

Hood’s ta mee troggal seose my hooillyn: O uss ta cummal ayns ny niaughyn.

Psalmyn 124:1

Er-be dy row yn Chiarn hene er nyn lieh, foddee Israel nish gra: er-be dy row yn Chiarn hene er nyn lieh, tra dirree sleih seose nyn ’oï;

Psalmyn 125:1

Bee adsyn ta coyrt nyn dreishteil ayns y Chiarn, dy jarroo myr cronk Sion: nagh vod v’er ny scughey, agh ta shassoo shickyr er son dy bragh.

Psalmyn 126:1

Tra hug y Chiarn chyndaa da cappeeys Sion: eisht va shin goll-rish sleih va dreamal.

Psalmyn 127:1

Mannagh vel y Chiarn troggal y thie: ta’n obbyr oc ayns fardail ta dy hroggal eh.

Psalmyn 128:1

Bannit t’adsyn ooilley ta goaill aggle roish y Chiarn: as ta gimmeeaght ayns e raaidyn.

Psalmyn 129:1

Shimmey keayrt t’ad er chaggey m’oï veih my aegid: foddee Israel nish gra;

Psalmyn 130:1

Veih’n diunid ta mee er n’eamagh hood’s, O Hiarn: Hiarn, clasht rish my choraa.

Psalmyn 131:1

Hiarn, cha vel mee ard-aignagh: cha vel aym shilley mooaralagh.

Psalmyn 132:1

Hiarn, cooinee er David: as ooilley e heaghyn.

Psalmyn 133:1

Cur-jee my-ner, cre cha mie as eunyssagh te: vraaraghyn, dy vaghey cooidjagh ayns unnaneys.

Psalmyn 134:1

Cur-jee my-ner nish, moylley-jee yn Chiarn: ooilley shiuish sharvaantyn y Chiarn;

Psalmyn 18:6

Myr shen clynnee eh my choraa veih e hiamble chasherick: as hig my phlaiynt kiongoyrt rish, hed eh stiagh dy jarroo gys e chleayshyn.

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Psalmyn 50:23

Quoi-erbee ta chebbal dou booise as moylley, t’eh cur onnor dou: as dasyn, ta reill e ymmyrkey dy cair, soilshee-yms saualtys Yee.

Jonah 2:2

As dooyrt eh, Deïe mee kyndagh rish my heaghyn gys y Chiarn, as ren eh my chlashtyn; veih diunid yn oaie deïe mee, as cheayll oo my choraa.

Jonah 2:3

Son t’ou er my hilgey ayns y diunid, ayns mean ny marrey, as haink ny thooillaghyn mygeayrt-y-moom, ta ooilley ny ushtaghyn as ny tonnyn ayd’s er n’gholl harrym.

Noo Luke 22:44

As v’eh ayns angaish vooar, as ghow eh padjer ny s’jeeaney: as va’n ollish echey myr bineyn mooarey folley tuittym gys y thalloo.

Hebrewnee 5:7

Ayns laghyn e ghooghys-foalley, tra v’eh er hebbal padjeryn as aghinyn, lesh eam jeean as jeïr, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;

1 Samuel 1:20

Shen-y-fa haink eh gy-kione, lurg da Hannah v’er yientyn, as y traa eck er jeet, dy ren ee mac y ymmyrkey, as denmys ee eh Samuel, gra, Er-yn-oyr dy vel mee er yeearree eh veih’n Chiarn.

1 Samuel 1:27

Son y lhiannoo shoh va my aghin; as ta’n Chiarn er chooilleeney my yeearree: